Dezgeha Sema ya Çandî û Hunerî li Birûkselê Bû

Hiso Hormî / Birûksel

Dezgeha Sema ya Çandî û Hunerî beşdarî li rojên civîna Şûraya Ziman û Perwerdeya Kurdî ya li Parlamentoya Flamanan li Paytextê Belçîka Birûkselê pêk hatibû kir. Ev bername di navbera rojên 5-6/11/2009an de bi tevlîbûna gelek akadimîsyen, perpirsên dam û dezgehan, rewşenbîr û zimanzanên Kurd ji çar perçên Kurdistanê bername birêve çû.

Berpirsê Dezgehê Sema Arif Remezan jî beşdarî vê çalakiyê bû li ser damezrandin û xebatên Dezgeha Sema peyva xwe pêşkêş kir û li ser armanc û pîlanên dezgehê pirojeyên wan yên di warê parastin û xizmeta zimanê Kurdî de anî ziman. Her weha berpirsê Dezgehê Arif Remezan bi vê çûna xwe ya Ewrûpayê  ligel gelek dam û dezgeh tevgerek diplomasiyê pêk anî û ji bo pêşvebirina kar û xebatên li ser çand û hûnerî yê netewî bi gelek berpirs û beşdarvanên konferansê re pêwendî gêran.

Hevdîtin bi parlementera Flamanan Frieda Brepoels ya endama parlemana Ewrûpayê ye pêk hat û li ser xebatên Dezgeha Sema û her weha li ser rewşa Kurdên Sûriyê ku mafên wan tên binpê kirin axivîn û parlemena Flamanî ji bo xurtkirina pêwendiyan vexwend Dubey ji bo mêvandariya Dezgeha Sema. Her weha hevdîtin bi endamê Perlemana Flamanan ya li Belçîka, Mathîs Dîpendalî û serokê  Enstûtiya Kurdî li Istanbolê Samî Tan pêk anîn. Ev hevdîtinên ku ji aliyê berpirsê Dezgehê Arif Remezan ve hatin pêk anî ku li ser asasên xizmeteke hevbeşa xurtir li ser çand, huner û zimanê Kurdî bête kirin birêve çû.

Hêjayî gotinê ye ku birêz Derwîş Ferho serokê Enstûtiya Kurdî li Birûksel şîvek li ser rûmeta birêz Arif Remezan çêkir û peymanek di navbera her du dezgehan de hate imze kirin û li ser hin xalan li hev kirin ku çendîn piroje û xebatên hevbeş wek pêkanîna hin şevên Hunerî, pêşengehên şêwekarî, şano û xurtkirina çalakî û korên çandî û ramiyarî pêk bînin.

Wergerandina Ji Erebî: Sema Kurd