Malpera Dezgeha Sema ya çandî û hunerî: Li Min Negerin - Dikim Ji Rê Bikevim...Helbest : Kemal NECIM

Li Min Negerin - Dikim Ji Rê Bikevim...Helbest : Kemal NECIM
================================================================================
Hozan Amin on 28 July, 2010 03:16:00
 
Ku hûn li xwe ne ewle bin
Ne kevin gira agirê di serê min de dadayî
Nejî li min bigerin
heme ji îro
ji sibê
dikim ji bîra we biçim
yan bêserûşop winda bibim
***
Lehiyeke ji demên kuştî
yên mirar
ji guneh, ji tewn, ji guman, ji birînên sar, ji yên germ
Lehiyek ji tenahî, ji mitalan
ji bêrîkirinê, ji poşmniyê, ji têkçûnê
Mîna gira sîmirekî,
ku ji kezeba min venabe..
rika xwe daye temenê min yê navsalî
dike min ji rê bibe.!.
***
Ji kû ve hîn bûye ku ez
heme ji îro
ji sibê
dikim ji rê bikevim
yan bêserûşop winda bibim..?
***
ji çavên minî behitî, lê ji pûnijîna min
ji dengê minî kelogirî, lê ji giriyê minî kelo dengî..!
nizanim ji şûna birînên di pişta min de,
lê ji şûna kevirên di dilê min de..
***
Pêjna destên we dikim li ser eniya xwe,
destên we  sar in
ku hûn ne zindî bin
destên xwe yên sar
ji ser laşê min vekişînin.
***
Pêjna peyvên mirar ji pistepista we tê
Ku hûn ne helbastvan bin
Herin mirarên xwe
di şevbuhêrkên miriyan de
bixwînin,
ez hîna nemirî me, laşê min hîna germ e.
Kemal NECIM