LI BER PÊLÊN BÊRIYÊ…HELBEST: FADIL TEMO

Beriya pelandina

Rûdêmên te kirine

Tiliyên min

Bêriya seyranê

Di nav porê te de kirine

Û wek

Guldaneke bê gul mayî bûye

Va sînga

Li dû ku te serê xwe

Li ser sîngê dûriyê danî

Wek bêşigeke

Bê sava mayî bûye

Di pê te re

Şev jehrê

Berdide

Ser dil û derûnê min

Ji çîyayekî

Hîn girantir dibe

Li ser dilê min

Ji tajangbazekî

Hîn çavsortir dibe

Li ser laşê min

Sare

Min sar e

Were min bi nêrînekê

Bi girnijînekê

Yan bi ramûsanekê .. binixêmîne

Bi gotinekê

Gotineke tenê

Û nexeme

Tew nexeme gotin çi be

Min

Bêriya dengê te kiriye

Bêriya dengê te kiriye

                                                                     2000

                                        fadiltemo@hotmail.com