Finda te...Helbest: Azer Osê

Vê sibehê, ji riwê te,

baran dihat

û ji xewna min,

bêhna eşqa te dihat,

çî nexweş, tev nedima,

zengil ji te re lêdida

û tû serwext, pêrgî çaxên xwe dihat,  

pirs neman!

û ji te,

bersiva her tiştî diva?

…………………..

Tû dihat,

dem ji xwe bêdeng dima

êşê koça xwe danî

te finda kesk diyar dikir,

û li hêviya maç,

û pêçana destên,

min dihişt

……………….

Min xwe,

têde xweş dixwend,

û  têde raza xwe  didît.

…………

Min lê nerî, perdeya şermê,

diqetand

û bêhtirîn bedew dibû!

û ji kenê te,

bi arê can ew  vêdiket.

………..

Jê şewitîm,

ne westiyam 

û ji şewatê,

bûm tiraf

lê ew…….

wekî min dixwest,

zindî bi arê xwe dima

û  sitrana jînê her digot………..

30.08. 2010   Azer Osê