Hunermend Seîd Yûsiv hat xelatkirin

Seîd Yûsiv

  Bi sebuneta roja cîhanî ya muzîkê ku salane roja 21ê Hezîranê tê lidarxistin, Partiya Yekîtiya Demokrat a Kurd li Sûriyê (PYDKS), serdana mala hunermendê Kurd Seîd Yûsiv li Qamişlo kir û bi rêya rêznameyekê ew xelat kir.

Seîd Yûsiv sala 1947an li bajarê Qamişlo jidayik bû û zaroktî û xortaniya xwe li vî bajarî derbaskir û hê di temenekî biçûk de behremendiya wî di warê muzîk û nemaze amûra Bizqê de hat xwiyakirin.

Bi dirêjiya temenê xwe yê hunerî, Seîd Yûsiv gelek xelat wergirtine wek: Rêxistina UNESCO li Elmanya sêlikeke taybet bi amûra bizqê ya Seîd Yûsiv sala 1973an bi navê `Sêlika Zêrîn` tomar kir- Komeleke Swêdî postek ku wêneyê wî liser e çap û belav kir- Rêznameya ji aliyê koçberên Lubnanî li Nigerya- Rêznameya ji aliyê Partiya Komunist a Sûriyê- Rêzname ji aliyê Înstîtû ya Sulhî Wadî li Şamê û Wezareta Rewşenbîrî ya Sûriyê.  

Rudaw