KURD JÎ BEŞDARÎ DI FESTÎVALEKA NAVNETEWEYÎ LI UKRAYNA KIRIN

Festîvaleka navneteweyî li Ukrayna hat sazdan û kurdan jî beşdarî tê de kirin. Ev festîvala han li bajêrê Xarkov hat sazdan.

Ev festîvala han, di roja pêncşemba derbasbûyî de hat sazdan û xwendevanên kurd ên ku li Ukrayna ne, bi navê neteweya kurd beşdarî tê de kirin.

Kurdên beşdarbûyî di nava dêrendazên evê festîvalê de, alaya kurdistanê bilind kirin û kincên kurdî li xwe kirin û çalakîyên xwe pêşanî amadebûyan dan.

Pêdivêyî zanînê ye, ku ev festîvala han salane li Ukrayna çê dibe û herdem xwendevanên kurdên evî welatî, bi navê kurd beşdarîyê tê de dikin.

PNA – Xarkov