بزاڤێن شاندێ نڤيسه‌رێن دهۆكێ ل كازاخستانێ
دبه‌رده‌واميا سه‌ره‌دانا شاندێ نڤيسه‌رێن كورد – لقى دهوك ، بۆ وه‌لاتێ كازاخستانێ، ل رۆژاشه‌مبى 11-12-2012 ل ده‌مژمێر 11 سپێدێ ل هولا پر چانديا نه‌ته‌وان ل ئالمائاتايا پايته‌خت ،
ناڤه‌ندا به‌ربانگ ياره‌وشه‌نبيريا كوردى ، سميناره‌ك بو شاندێ دهۆكێ رێكخست ، ل پێشيێ بروفيسور كنيازێ ئيبراهيم ، سه‌روكێ ناڤه‌ندا به‌ربانگ وسه‌روكێ جڤاتا ره‌ڤه‌ندا كورد ى ل كازاخستانێ ، بخێر هاتنا شاندێ نڤيسه‌رێن كورد كر وخوشحاليا ره‌ڤه‌ندا كورد وناڤه‌ندا به‌ربانگێ دياركر ژبۆ ڤێ سه‌ره‌دانێ وخورتكرنا په‌يوه‌ندييێن ره‌وشه‌نبيرى دناڤ به‌را نڤيسه‌رێن كوردستانێ وكوردێن كازاخستانێ دا.
دديڤدا ده‌ليڤه هاته دان بۆ سه‌روكێ ئێكه‌تيا نڤيسه‌رێن كورد حه‌سه‌ن سلێڤانه‌يى،يێ كو لسه‌ر ره‌وشا كوردستانێ يا نوها ب به‌رفرهى ئاخڤى ،وئه‌و ده‌ستكه‌فتێن حوكموتا كوردستانێ ب خوينا شه‌هيدان وخه‌باتا پيرۆزا ملله‌تێ كورد ب ده‌ستڤه‌ئيناين دا خوياكرن ورولێ نڤيسه‌رێن كورد دئاڤاكرنا جڤاكێ نوو يێ كوردستانێ دابه‌حسكر ، وئه‌و پيشڤه‌چۆنا دمه‌يدانا ره‌وشه‌نبيريا كوردى دا په‌يدا بووى پشتى سه‌رهلدانێ وهاريكارى و پشته‌ڤانيا حوكمه‌تا كوردستانێ بۆ مه‌يدانا ره‌وشه‌نبيرى ب ره‌نگه‌كێ رێكخستى .هه‌ر وه‌سا ل سه‌ر بزاڤ وخه‌باتا ئێكه‌تيا نڤيسه‌رێن كورد لقى دهوك راوه‌ستيا نه‌خاسم كو روژا 12-8 دبيت 41 ساليا دامه‌زراندنا لقێ دهوكێ. سلێڤانه‌يى دئاخڤتنا خوه دا گرنگيا تێكه‌لييێن ره‌وشه‌نبيرى دناڤ به‌را نڤيسه‌رێن هه‌ر چار پارچێن كوردستانێ دا ديار كر وگوت ئه‌ڤ سه‌ره‌دانا مه ب رێيا ناڤه‌ندا به‌ربانگ هه‌ر ژبو ڤێ مه‌ره‌مێ يه ،و دديڤدا ئيسماعيل سليمان چه‌ند تيروژك به‌ردانه سه‌ر رولێ هونه‌رى ل دهوكێ و هه‌بونا هژماره‌كا سه‌نته‌رو تيپێن هونه‌رى و پێكڤه‌ژيانا ئيرو ل كوردستانێ هه‌ى و هاريكاريا حكومه‌تا كوردستانێ بو هه‌ر گه‌له‌كى و هه‌ر ئول و نه‌ته‌وه‌كى و گوت كو ئيرو خه‌وه‌نه‌كه ئه‌م دناف كوردێن كازاخستانێدا . پاشان سه‌لام بالايى ل سه‌ر رولێ سازى و روژنامه‌گه‌ريا زارويان ئاخفت و چه‌ند بزاڤ و چالاكيێن دوارێ زاروياندا ل دهوكێ ئانينه زمان و ئاماژه كره هه‌بونا كوڤارا سڤوره يا زارويان و به‌رده‌واميا ده‌ركه‌فتنا وێ ل باژێرێ دهوكێ .
هه‌ژيه بێژين دڤێ سمينارێدا هژماره‌كا نڤيسكارو پرو فيسورو ئه‌كادميين كورد ل كازاخستانێ ئاماده بون مينا پروفيسور نادرێ نادروف شێورمه‌ندێ وزێ ل كازاخستان و پروفيسور محمه‌دێ مستو ماموستايێ زانكويێ پشكا سياسه‌تێ و هه‌لبه‌ستڤانێ كورد باريێ بالا و پروفيسور حه‌سه‌نێ عه‌بدويێ عه‌لى و پروفيسور عزيزێ زيا به‌درخان و هه‌لبه‌ستڤان حه‌سه‌نێ حجى سليمان و سيابه‌ند سليفى سه‌روكێ ناڤه‌ندا چاندا كوردى ل كازاخستان و هژماره‌كا نڤيسه‌رو كوردێن كازاخستانێ ،ل دوماهيێ ده‌رگه‌هێ پرس و به‌رسڤا هات ڤه‌كرن و باريێ بالا ئاخفتنه‌ك كرو گوت: ئه‌ز هه‌ر كوردستانا ئازاد نابينم لێ من به‌رى ده‌مه‌كى من ب خورته‌كى مه‌را گوت كو سه‌ره‌دانا كوردستانێ كربو هنده‌ك ژ ئاخا كوردستان ژ منرا بينه ، ئه‌ويژى هنده‌ك ئاخا لسه‌ر توربا مه‌لا مسته‌فا بارزانى ژمن را ئينا ،من ئه‌و ئاخا كوردستانێ ب هنداڤى سه‌رێ خو ڤه‌كريه‌و هه‌رو سپێدێ ئه‌ز خو لبه‌ر دچه‌مينم.
نادرێ نادروف گوت: رولا نڤيسكاران پر مه‌زنه ئه‌م ب هاتنا وه شادين و وه‌لات دچاڤێن وه‌دا دبينين، ئومێده‌وارين كوردستان پێش بكه‌ڤه‌و كوردستانا مه‌زن ل نێزيك ببينين. بروفيسور حه‌سه‌نێ عه‌ڤدويێ عه‌لى كو سه‌روكێ پشكا زمانێن بيانى يه ل زانكويه‌كا كازاخستانێ ، لسه‌ر ئالوزيێن زمانى وهه‌بوونا زمانه‌كێ نه‌ته‌وه‌يى ئاخفت هه‌ر وه‌سا لسه‌ر ئه‌لفه‌باياكوردى وئاريشێن وێ سه‌كه‌نى.
بروفيسورێ ئابورى عه‌زيز زيا به‌درخان ، لسه‌ر رژديا خزمه‌تێ بو ئاڤاكرنا وه‌لاتى كر ولسه‌ر ئێكرێزيا كوردان راوه‌ستيا .
هه‌ژيه بێژين ئێكه‌تيا نڤيسه‌رێن كورد/ لقێ دهوك پشته‌ڤانيا خو ديار كر بو چاپكرنا چه‌ند په‌رتوكێن كوردى ل كازاخستانێ د ريا ناڤه‌ندا به‌ربانكدا، مينا پشته‌ڤانيا چاپكرنا (5) په‌رتوكێن كومه‌لا نڤيسكارێن كورد ل ئامه‌د. هه‌ر وه‌سا شاندێ نڤيسه‌رێن دهوك ئاماده‌ييا خو دياركر ژبو پێشوازيكرنا شانده‌كێ نڤيسه‌رێن كازاخستانێ ل كوردستانێ .
هه‌ژيه بێژين كو شاندێ نڤيسه‌رێن كورد ل روژا 9/8/2012 دگه‌ل پروفيسور كنياز ئيبراهيم سه‌ره‌دانا ئێكه‌تيا نڤيسه‌رێن كازاخستانێ كرن و هاتنه پێشوازيكرن ژ لايێ جێگرێ سه‌روكێ نڤيسه‌رێن كازاخستانێ به‌رێز(ژوما باى شاشتا ئولو) و دان و ستاندن ل سه‌ر ئاڤاكرنا په‌يوه‌نديێن روشنبيرى دناڤبه‌را كازاخستان و كوردستانێ داهاتنه كرن.
هه‌ر وه‌سا شاندێ نڤيسه‌ران سه‌ره‌دانا پروفيسور( نادرێ نادروف) ل جهێ كارێ وى يێ فه‌رمى كريوو.
2012-08-11
duhokwriters.com
- 2294 خوێندنەوە
