بیرانینا ۳ سالیا کۆچکرنا هونه‌مه‌ند محه‌مه‌د عه‌لی شاکر ل هه‌ولێرێ
رۆژا شه‌مێ ۲۳-۱۲-۲۰۲۳ئان سالڤه‌گه‌را کۆچا داویێ یا هونه‌رمه‌ندێ ژ ڕۆژاڤایێ کوردستانێ محه‌مه‌د عه‌لی شاکر د بن چاڤدێریا ده‌زگه‌ها سه‌ما یا چاند و هونه‌ری ل هه‌ولێرێ ل هۆلا سه‌ما یا كاپیتۆل هۆتێل ب ڕێ ڤه چوو.
ب به‌شداریا هه‌ژماره‌ک مه‌زن ژ حه‌زکریێ هونه‌رمه‌ندێ مه‌زن محه‌مه‌د عه‌لی شاکر ژ مه‌رۆڤ و که‌سایه‌تیێ هونه‌ری و سیاسی و ڕه‌وشه‌نبیری و ژ ڕۆژاڤایێ کوردستانێ و مێڤان ژ هه‌رێما کوردستانێ و ده‌ڤه‌رێن دن.
د شه‌ڤا ۳سالیا کۆچکرنا هونه‌رمه‌ند محه‌مه‌د عه‌لی شاکر، گه‌له‌ک په‌یڤ هاتن گۆتن ژ وان ژی په‌یڤا مالباتا نه‌مر محه‌مه‌د عه‌لی شاکر ژ ئالیه برایێ وی هونه‌مره‌ند مه‌حموود عه‌زیز ڤه هاته خوه‌ندن و سپاسیا ده‌زگه‌ها سه‌ما کر ل سه‌ر ڤان ده‌رفه‌تێن کو دده تا کو ئه‌ڤ چالاکی وه‌رن ل دارخستن. و چه‌ند ستران گۆتن، هه‌ر وه‌ها په‌یڤا وه‌زاره‌تا ڕه‌وشه‌نبیری یا حکوومه‌تا هه‌رێما کوردستانێ هاته خوه‌ندن و پاشێ فیلمێ دیکۆمه‌نتی ل سه‌ر ژیانا محه‌مه‌د عه‌لی شاکر کو ژ ئالیه ڕۆژناماڤان ده‌نز دارگول ڤه هاتبوو ئاماده‌کرن هاته پێشاندان و کۆمه‌ک هونه‌ری چه‌ند سترانێن هونه‌رمه‌ند محه‌مه‌د عه‌لی شاکر گۆتن و ل داویا شه‌ڤێ ژی در. به‌درخان سندی خه‌لاتا مالباتا شاکر وه‌رگرت.
محه‌مه‌د عه‌لی شاکر سالا ۱۹٤٦ ل باژارێ دربێسیێ ژ دایک بووبوو، ده‌رچوویێ به‌شێ زمانێ ئینگیلیزی بوو، د سالا ۱۹٦۸لگه‌ل مالباتا خوه ل باژارێ سه‌رێ کانیێ بجه بوون و ل ور مامۆسته‌تی کر.
محه‌مه‌د عه‌لی شاکر بێهتری ٥۰سالی خزمه‌ته هونه‌را کوردی کربوو.
گه‌له‌ک هونه‌رمه‌ندێن مه‌زن یێن وه‌کی محه‌مه‌د شێخۆ و برایێ وی مه‌حموود عه‌زیز سترانێن وی گۆتنه.
گه‌ورێ، ئه‌ز که‌چکا کوردی مه، عه‌ید و عه‌رفات، ل به‌ر دلێمن شێرین ئه، ئه‌ز دل که‌تم وان چاڤان و گه‌له‌ک سترانێن دن وی چێکرنه.
محه‌مه‌د عه‌لی شاکر د ته‌مه‌نێ خوه یێ ۷٤ سالی ده ل باژارێ قامشلۆ ژ به‌ر جۆرۆنایێ د ۲٤ئێ کانوونا په‌شینێ یا ۲۰۲۰ئان کۆچا داویێ کر.
.jpg)
.jpg)
.jpg)
- 402 خوێندنەوە
