Share |

شاهجوانا كوردستانێ دێ سه‌ره‌دانا په‌نابه‌رێن سوریا ل كه‌مپا دۆمیز كه‌ت

 

بریاره‌ د چه‌ند رۆژێن بهێت دا شاهجوانا كوردستانێ سه‌ره‌دانا په‌نابه‌رێن كورد یێن رۆژئاڤایێ كوردستانێ ل كه‌مپا دۆمیز ل پارێزگه‌ها دهۆكێ بكه‌ت.

 

شێنێ عه‌زیز شاهجوانا كوردستانێ یا سالا 2012ێ ، ل رۆژا 30/9/2012ێ ل باژێرێ سلێمانیێ د پرێس كونفرانسه‌كى دا چه‌ند پیلان و پرۆژێن خو یێن پاشه‌رۆژێ ئاشكه‌را كرن.

 

شاهجوانا كوردستانێ ب هه‌لكه‌فتا سالرۆژا توریزمێ، د گه‌ل شانده‌كا كونسه‌یا توریزما كوردستانێ سه‌ره‌دانا باژێرێ سلێمانیێ كریه‌، د پرێس كونفرانسه‌كى دا ئاشكه‌را كر كو ئه‌و دێ د ڤان رۆژان دا سه‌ره‌دانا په‌نابه‌رێن رۆژئاڤایا كوردستانێ ل كه‌مپا دۆمیز ل پارێزگه‌ها دهۆكێ كه‌ت.

 

وه‌كو دهێته‌ زانین د 28ێ خزیرانا ئه‌ڤ ساله‌ دا، و ژ بۆ جارا ئێكێ ل باشورێ كوردستانێ ل باژێرێ هه‌ولێرێ شێنێ عه‌زیز ئاكو د ناڤ چه‌ند كچێن دى یێن كورد وه‌كو شاهجوانا كوردستان یا سالا 2012ێ هات هه‌لبژارتن.