شڤان په‌روه‌ري كۆنسێرته‌كا خێرخوازي گێڕا
ب مه‌ره‌ما درێژكرنا ده‌ستێ هاريكاريێ بۆ مشه‌ختێن كوردێن رۆژئاڤايێ كوردستانێ ئه‌وێن نهۆ ل كه‌مپێن هه‌رێما كوردستانێ دژين، هونه‌مه‌ند شڤان په‌روه‌ر كونسێرته‌كا هونه‌ري گێرا.
ئيبراهيم سه‌مين به‌رپرسێ ده‌زگه‌هێ خێرخوازيێ بارزاني نه‌مر ديار كر كو ئه‌و كونسێرت ژ لايێ ده‌زگه‌هێ وان و رێكخراوا رايز و هژماره‌كا گه‌نجێن كورد هاتبوو رێكخستن و بۆ ئه‌ڤرۆ گۆت: د كونسێرتێدا كو بۆ كه‌مپێن باسرمه و ئاكرێ و كه‌مپێن دن هاتبوو سازدان تێدا داهاتيه‌كێ باش ژ بۆ مشه‌ختان هاته كۆمكرن سه‌رباري هندێكو كونسێرته‌كا بێ به‌رامبه‌ر بوو.
هه‌روه‌سا گۆت: »د كونسێرتێدا چه‌ند بزاڤێن دن ژي هاتنه ئه‌نجامدان، ژ وانا كۆمه‌كا گه‌نجان كو ژ لايێ ده‌زگه‌هێ مه‌ڤه هاتبوو رێكخستن و تێدا چه‌ند گه‌نج ب ب پيا چوون ب مه‌ره‌ما كۆمكرنا كومه‌كێن دارايي بۆ مشه‌ختێن ناڤهاتي و چه‌ند هه‌ڤكاريه‌ك هاتنه كۆمكرن«.
ژ لايه‌كێ ديڤه هه‌ژار ياسين رێڤه‌به‌رێ كه‌مپا ئاكرێ ديار كر كو كارگێريا كه‌مپا ئاكرێ ب هه‌ماهه‌نگي ل گه‌ل قائيمقاميا قه‌زا يێ ئه‌م رابووين ب رێكخستنا رێپيڤانه‌كێ ل كه‌مپا ئاكرێ بۆ كه‌مپا باسترمه داكو بيته پالپشتيه‌ك بۆ مشه‌ختێن روژئاڤا يێ كوردستانێ.
ئه‌ڤرۆ
- 2289 خوێندنەوە
