Share |

فلمێ مانۆ خەلیل „ئاپێ ئیربۆم“ خەلات وەرگرت

فلمێ دەرھنێرێ کورد مانۆ خەليل خەلاتا یەکەم يا فەستیڤالا سیناما يا ناڤنەتەوی  Bozen2014 وەرگرت.

 

فلمێ مانۆ خەلیل ب ناڤێ „مێشەڤان“ ب ئەلمانی „Der Imker“ لایقی خەلاتا یەکەم ھات دیتن، د رۆژا داویێ 13-4-2014 یا فەستیڤالا ناڤنەتەوی ل ئيتاليا Bozenفلم فەستڤال کو ژ رۆژا 9 نيسانێ ھەتا 13 نيسانا 2014 ل دار کەتبوو.

 

ئەڤ خەلات بۆ خەلاتا ھەیشتەمین يا ناڤنەتەوی کو فلمێ مانۆ خەلل ب دەست دخە.

فلم چیرۆکا مرۆڤەکی کوردە، „ئبراھیم گەزەر“ (ئاپێ ئیربۆم)، کو ب ئەسلە خوە ژ باژێرێ ئەلبستانێ ( باکورێ کوردستانێ)یە. ئاپێ ئیربۆم، ھەتا سالا 90 یەک ژ مەزنترین مێشڤانێن کوردیستانێ بوو، لێ مخابن، ژ بەر زولم و زۆرداریا رەژیما تورک ھەر تشتێ وی وندا بوو. مالا وی خراکرن، مێشێن وی کوشتن و ئەو نەچار ما کۆچبکە و وەکە پەنابەر چوو سویسرا. ھەر کو ئاپێ ئیربۆم گەلەک کول، دەرد و رۆژێن تاری دەرباس کرنە لێ ئینسانیا خوە و کێفا خوە ژ خوەزایێ و ژ ئینسان رە وندا ناکە. ل سویسرا دیسا دبە خوەدی مێش و چیایێن ئالپێ ژێ رە دبن وەکە چیایێن کوردستانێ».

 

مانۆ خەلیل نھا ل ھەرەما کوردستانێ فلمێ خوەێ نوو ب ناڤێ «ھەچەجیک» دکشینە، کشاندنا فلمێ نوو ھەچەجیک ھەتا رۆژا 24 نسانێ وێ بەدەوام بکە.