لته‌راکورد مالا وێژه‌یێ ل ئامه‌دێ ده‌ریێن خوه ڤه‌کر
لته‌راکورد مالا وێژه‌یێ ل ئامه‌دێ د ڕۆژا ٦ نیسانێ ۲۰۲٥ان ده ل ماله‌که که‌ڤنار ده ل ناڤا سوورا ئامه‌دێ ده‌ریێن خوه ژ نڤیسکار وێژه‌کارێن هه‌زکریێن ئه‌ده‌بیاتێ کورد ڕه ڤه‌کر.
ئه‌ڤ سازیا نوو دێ ب ئارمانجا گه‌شکرنا زمان و وێژه‌یا کوردی ده‌ست ب خه‌باتێن خوه بکه. د مه‌راسیما ڤه‌کرنێ ده ئاکاده‌میسیه‌ن سه‌ردار شه‌نگول و نڤیسکار مه‌حمه‌د دێجله ئاخڤین و گۆتن و به‌حسا "د سه‌رده‌ما مۆده‌رن ده کورد، باژار و ئه‌ده‌بیات" ێ و ب خێرهاتنا مێڤانان کرن و د پانه‌له‌ک پێشکێش کرن.
هه‌ر وه‌ها دیار کرن کو لته‌راکورد مالا وێژه‌یا کوردی یه و ئه‌ڤ ئه‌نجاما هه‌ولدانا فکر و که‌دا گه‌له‌ک نڤیسکار و ڕه‌وشه‌نبیرێن کورد ه، ژ بۆ کو ببه ناڤه‌ندا زمان و وێژه‌یا کوردی هاتیه ئاڤاکرن.
ل گۆری گۆتنا لته‌راکورد مالا وێژه‌یێ، وێ ئه‌ڤ سازی هه‌ول بده کو ئه‌ده‌بیاتا کوردی یا کو ب سینۆرێن سیاسی و زمانی ژ هه‌ڤ قه‌تیایه، بگهینه هه‌ڤ و بیرا کوردی یا کو ب گه‌له‌ک سه‌ده‌مان به‌لاڤبوویی ب ته‌ڤگه‌ره‌که کۆله‌کتیف بینه جه‌م هه‌ڤ.،
لته‌را کوردێ ل سه‌ر ڤه‌کرنا ده‌ریێن خوه په‌یامه‌ک به‌لاڤ کر و گۆت:“وه‌کی تێ زانین، مالێن وێژه‌یێ ل باژارێن دنیایێ د پێشکه‌تن و داناسینا ئه‌ده‌بیات، باژار و نه‌ته‌وه‌یان ده ڕۆله‌که سه‌ره‌که پێک تینن.
لته‌راکورد ژی ب ڤێ ئارمانجێ دێ ڕه‌نگێ کوردی ل باژێر گه‌ش بکه و ده‌ریێن باژێر ژ ئه‌ده‌بیاتێن دنیایێ ڕه ڤه‌که.
هه‌ر وها دێ نڤیسکار و خوینه‌رێن کوردی بینه جه‌م هه‌ڤ و ب ئاتۆلیه و کورسێن نڤیسێ ئه‌ده‌بیاتا نووژه‌ن پێش بخه.
لته‌راکورد دێ نڤیسکارێن کورد و نڤیسکارێن دنیایێ بکه مێڤان و وان و خوینه‌ران بینه جه‌م هه‌ڤ.
ل داویا مه‌راسیما ڤه‌کرنێ ده کۆکته‌یله‌که ل لدارخستن.
- 70 خوێندنەوە
