Share |

ل ئامەدێ رۆژا چیرۆکێ یا جیھانێ ھاتە پیرۆز کرن

ب بۆنەیا 9مین ”رۆژا چیرۆکێیا جیھانێ” کو د 14سباتێ ھەر سال دەرباس دبە، و ل ھەموو جیھانێ ئەڤ رۆژ تێ پیرۆزکرن، ل ناڤەندا چاندێیا جەگەرخوین کۆمەلەیا نڤیسکارێن کورد چالاکیەک ل دارخست، د ب درووشما "ھەر کەس خوەدی چیرۆکەکێیە" گەلەک نڤیسەر و چیرۆکھەز بەشدار بوون، و دوو پانەل ھاتن پێشکێش کرن.

ئەڤ چالاکی ب ئالیکاریا شارەداریا باژارێ مەزنا ئامەدێ پێک ھات، و ئاخافتنا دەستپێکێ ژ ئالیێ ھەڤسەرۆکا کۆمەلەیا نڤیسکارێن کورد رەمزیە ئارسلان ب زمانێ زازاکی ھاتە پێشکێش کرن، و پاشێ پانەلا یەکێ، ژ ئالیێ چیرۆکنڤیس اسماعیل دیندار ڤە ھات برێڤەبرن، چیرۆک نڤیسا تورک ئایشەگول تۆزۆرەن، و نڤیسکار اسماعیل ھاجانی ژ دھۆکێ و نڤیسکار ئەنیسە شیرین ژ ئامەدێ بەحسا سەروبووریا خوە د گەل چیرۆکان دە کرن.

ھەر وەھا پانەل ددوا ب بەشداریا پشتڤان ھەلەپچەیییێ ژ سلێمانیێ، و محموود یامالاک ل دارکەت، و د داویێ دە کۆمەک موزیکێیا سەر ب ناڤەندا چاندێیا دیجلە فراتێ بەرھەمێن خوە پێشکێش کر و ب ڤی رەنگی چالاکی ب داوی بوو.

 ئەڤرۆ- ئامەد