Share |

میدیاكارێ كورد كامیران ره‌شید به‌رواری وه‌غه‌ركر

 

  پشتی نه‌خۆشیه‌كا گران و پتری دوو سالێن وه‌رگرتنا چاره‌سه‌ریێ، د رێوره‌سمه‌كێ هێژا دا ته‌رمێ میدیاكارێ كورد كامیران ره‌شید به‌رواری ل گۆرستانا شاخكێ هاته‌ ڤه‌شارتن.

كامیران ره‌شید كو رێڤه‌به‌رێ رادیۆیا دهۆك و ئه‌ندامێ سه‌ندیكا رۆژنامه‌نڤیسێن كوردستانێ و ئێكه‌تیا نڤیسه‌رێن كورد بوو، ئێڤاریا رۆژا شه‌مبی ل نه‌خۆشخانه‌كا باژێرێ ئه‌نقه‌ره‌ ل توركیا وه‌غه‌ركر و دوهی ئێكشه‌مبی ته‌رمێ وی گه‌هشته‌ باژێرێ دهۆكێ و هاته‌ ڤه‌شارتن.

د رێوره‌سمێ بن ئاخكرنا ته‌رمێ ڤی میدیاكارێ كورد، چه‌ند په‌یڤ هاتنه‌ خواندن ئێك ژ وان یا ده‌زگایێ خانی بوو دگه‌ل په‌یڤێن جڤاتا پارێزگه‌ها دهۆكێ و بنه‌مالا خودێ ژێ رازی.

كامیران ره‌شید به‌رواری ل سالا 1964، ل گۆندێ بێقۆلكێ ل ده‌ڤه‌را به‌رواری بالا ل دایك بیه‌، ژبلی كو میدیاكاره‌كێ دیرینێ ده‌ڤه‌را بادینان بوو ب ئێك ژ نڤیسه‌ر و هه‌لبه‌ستاڤانێن باش دهاته‌ نیاسین و چه‌ندین پرتووك و دیوانێن هه‌لبه‌ستێ ل دووڤ خو هێلاینه‌ و هه‌ر ژ سه‌رهلدانا سالا 1991ێ وه‌ره‌ كاره‌كێ هه‌ره‌ باش ل كه‌نالێن ته‌له‌ڤزیونێ و رادیویا دهوك گێرایه‌ و ده‌مه‌كێ درێژ رێڤه‌به‌رێ وێ رادیۆیێ بۆیه‌.

 

 - (PNA) ئیسماعیل تاهیر/ پ. ف