١٢ هایکۆ ...هه لبه ست:شەمال ئاکرەیی

١

دەرگەهێ دەمی،

نهینیێن خۆ تاق دکەت..

چاخەکێ نوی یە.

٣

خێڤزانکەکا پیر،

ل شەڤەکا کەوچەرین..

ئاخێ دکەتە زێڕ.

٤

دارستان ب شەڤ،

هەمی نهینیێن خۆ..

دفرۆشیتە بای.

٥

ئەڤ لێڤێن لەرزۆک،

د شەرمێ دا نقۆمبوون..

ماچا ئێکەمین.

٦

بێهنا ڤێ قەهوێ،

سپێدەهیێن ب هەڤڕا..

گەرمی و خەریبی.

٧

ل باخچێ هەنێ،

بەلگێن زەر یێن ڤان داران..

سەمایەکا ژ دل.

٨

کوریشک و تەمەن،

تیکێن قەدێ ڤێ دارێ

من هەڤبەرکرن.

٩

بارانەک باری،

هەموو خەمێن من شوشتن..

عەشقا تە یارێ.

١٠

ل دارستانێ،

گوهدارییا دەنگێ تە دکەم..

ئاشتییا روحێ.

١١

ئەڤێ دارا پیر،

گەلەک چیرۆک ڤێ هەنە..

تەڤ نهینینە.

١٢

ئەڤرێن پاییزێ،

بەلگێن زەر دبارینیت..

ئاخا گۆڕێن مە.

Rojnama Evro