Share |

رۆمانڤیسێ کورد حەلیم یوسڤ بەحسا کۆڤارا دیوار و ھەڤگرتنا رەوشەنبیرێن رۆژاڤا دکە...ھۆزان ئەمین

ژ بەر کو 25 سال د سەر بەلاڤکرنا چیرۆکا یەکەم یا نڤیسکار حەلیم یووسڤ دەرباسبوویە، ب ڤێ ھەلکەفتێ و ھەر وەھا ژ بەر کو وەشانخانیە پەیوەند ل ستەنبۆلێ ژ نووڤە وێ بەرھەمێن وی چاپ و بەلاڤ بکە، ل ستانبۆل و ئامەد و مێردین  بەحسا سەربۆریا خوە و سەردەمێن نڤیسکاریا خوە کر، یەک ژ دەڤەرێن کو  سەمینار دا ئامەد بوو، مە دەلیڤە دیت ڤێ ھەڤپەیڤینێ پێرە چێکن، و ب کێفخوەشی بەرسڤا مە دا.

 

-        ل گۆرا وە خەم نە تەنێ نڤیسە، خەما مەستر چاپکرن و بالەڤاکرنا وان نڤیسانە؟

 

-        راستە، نڤیساندن کارەکی خوەشە، ژ بۆ نڤیساکەرەکی رەحەتیە پەیدا دکە، کو بکاربە شەواتا ناڤا خوە ڤەگوھەزە سەر کاخەزا، ل ڤر کارێ وی نڤیسکاری دقەدە، ل چەم کوردا نڤیسکار ژ ور دەستپێدکە، ژ بەر قونخێن زەحمەتر ل پێشیا وی نە، د چاپ و بەلاڤکرنێ دە.

 

-        ل گەل کارێ خوەیی نڤیسکاری دە، تو د وارێ راكهاندنێ دە ژی گەلەک خەباتێن ب نرخ کرنە؟

 

-        بەلێ د بەر نڤیسکاریێ رە، تم کارێ رۆژنەمەڤانیێ چ د وارێ تەلڤزیۆن ئان رۆژناما و کۆڤار دە بن، تم ئەز پێ مژوولم بووم و بالا من دکشاند، ژ بەر کو نڤیساندنا پرتووکەکێ دوو ھەیا سێ سالان وەخت دکشینە، ھەیا کو رۆناھیێ دبینە، د ناڤا ڤان سێ سالان دە مەرە خوە تم ھەیجەیی دان و ستاندنێ دبینە، ژ بەر وەھا کەرێ رۆژنەمەڤانی وەک پەنجەریەکێ رۆژانەیە کو تو ھەواک نوو دکشینە، چ د وارێ وێژێ ئان ژی سیاسەتێ ئان چڤاکێ دە بە، من ھەوجەداریا خوە پێ ددیت و ل سەر ڤێ بنگەھێ، پشتی کو ئەز ژ سووریێ دەرکەتم، و ل وەلاتێ ئالمانیا نەشتەجیھ بووم سالا 2000، ئەو دەرفەت ل پێشیا من ڤەبوو، و من 11 سالان بێ راوەستان پرۆگرامەک وێژەیی ب ناڤێ (گاڤا سیەمین)ل سەر ئەکرانا مەدیا تڤ و رۆژ تڤ چێکر، و ڤێ داویێ (دەریێ دن)ل سەر رۆناھی تي ڤي بەردەوامە ب ناڤەکی و ناڤەرۆکەکە نوو.

 

-        بەلێ ت ئەدیتۆریا کۆڤارەکێکێ ب ناڤێ دوار دکە، ئەم دخوازن تو بەحسا ڤێ تەجروبەیێ ژی بکە؟

 

-        بەلێ کۆڤارا دیوار، ئەڤ سالەک دەردکەڤە، کۆڤارەک مەھانە و وێژەیییە، ل خوروو ب کورماجییە، و ل ئالمانیا چاپ دبە، و دەرباسی کوردستانێ دبە، ئەم سێ کەسن ل سەر دسەکنن، خودانێ وێ ئاگری سۆران ە، د گەل نڤیسکار جەمیل ئۆخوس، مە پێدڤی دیت کو کۆڤارەک وێژەیی مەھانە ھەبە، ژ بەر کو نە ل کوردستانێ و نە ل دەرڤە، کوڤارەک وێژەیی مەھانە تونە بوو، ڤا سالەک دەرباس بوو د ھنەک دەڤەران ئەم ب سەر کەتن، و د ھن دەڤەران دە ئەم لکومین، لێ ب راستی مە زەحمەتیەک مەزن دیت ب تایبەتی د وارێ بەلاڤکرنا کۆڤارێ دە، و د وارێ پەیداکرنا ئابۆنەیان دیت، و ئاستەنگی د وارێ فینانسەکرنێ دە ھەیە، لێ ب گەلەنپەری دە بەلاڤکرن و گھاندنا وان د وەختێ وێ دە زەحمەتیک ھین مەستر بوو، لۆما ئەم نەچار دمان کو ئەم دو ژماران ب یەک کۆڤاری دەرخینن، نھا ئەمێ خوە بنرخینن، و بنەرن کو ئەم دکارن بەردەواب بکن یان نا.

 

-        ھوون ل بەرن ژ نوو ڤە، ھەڤگرتنا رەشەنبیرێن رۆژاڤا ڤەژینن، وێ بەلاڤۆک بەلاڤ کریە و ھوونێ کۆنگرا خوەیا 4 ل دارخن؟

 

-        راستە، ئەڤ ھەڤگرتن د نیسانا سالا 2004 ل سوێدێ ھاتیە ئاڤاکرن، و وەک ئەنجامەکێ ژ ئەنجامێن سەرھلدانا 12 ئادارێ بوو، پشتی کو گەلێ مە سەری راکر و ئەو دیوارێن ترسێ خستن، ئەم رەوشەنبیرێن کورد مە پێدڤی دیت کو ئەم ژی کارەکی بکن، د ھەمی بوارێن رەوشەنبیری، ھەیا ھونەری، خوە بكهینن ھەڤ و کاربن دەنگێ خوە بغینن ھندرێ وەلات، و کاربن ب ئەرکێ خوە رابن بەرنابەری گەلێ خوە، و مالپەرەک ب ناڤێ رۆژاڤا.نەت ھاتە ڤەکرن، و کۆڤارەک ب ناڤێ ئۆرکێش ھات دەرخستن، لێ پشتی کۆنگرێ سسیا کارێن وێ سست و سار بوو و راوەستیا، ھەیا ڤان دەمێن داوی کو پێشکەتنێن ل سووریێ و رۆژاڤایێ کوردستانێ چێدبن، ھشت کو ئەم دیسا بفکرن ب ڤەژاندنا وێ ھەڤگرتنێ کو کاربە دیسا ب ئاوایەکی، دەنگێکی ب ھەڤرە و رەولەکی ھەڤپشک بلیزن، مە وەک کۆمیتا ئامادەکار، بریار و مە بانگەک دەرخست، کو ئەم 25-26 مەھا چلێ پاشی ل باژارێ بلیفەلت ل ئالمانیا ل ھەڤ بجڤن ژ بۆ ئەم کۆنگرێ خوەیێ چاران ل دارخن و ژ بۆ ئاگاھداریا ئەندام و تەڤایی رەوشەنبیرێن کوردێ رۆژاڤا ھەبە و کاربن بەشدار ببن.

 

-        چ ل بەر دەستێ وە ھەیە، کو ھوون پێشکێشی خوەندەڤانێن خوە بکن؟

 

-        ل گۆرا پەیمانا من و وەشانخانا پەیوەند، ھەیا مەھا گولانێ چاپا ددوان ژ ھەمۆ بەرھەمێن من دەرکەڤە، د گەل رۆمانا منیا کو ئەز ب سالان ل سەر دخەبتم و ئەز گەلەک پێرە وەستیامە ئەز ب ھێڤی مە بقەدە و ئەو ژی چاپ و بەلاڤ ببە.

 

 Evro

---------------