مه‌ياده حه‌نناوي سترانان ب كوردستانێ دبێژيت
سترانبێژا ناڤدارا سووري مه‌ياده حه‌ناوي كو ب ره‌گه‌ز كرستيانه لڤان داوييان سترانه‌ك ب ناڤێ كوردستان تۆماركريه كو برێكا ڤێ سترانێ دڤێت دوباره بزڤريته ناڤ مه‌يدانا هونه‌ري پشتي بۆ ده‌مه‌كێ درێژ ناڤهاتي ژ سترانگۆتنێ دووركه‌تي.
لدۆر ڤێ سترانا نوو مه‌ياده حه‌ناوي بۆ ميديايان ته‌كه‌ز كريه كو به‌رييا نها وێ ستران ب فه‌لستينێ و سووريا و لبنانێ گۆتينه و دڤێت ب كوردستانێژي بێژيت و ته‌كه‌ز كر ئه‌ڤ چه‌نده وه‌كو خه‌ونه‌كێ بوو بۆ وێ و دڤێت بڤێ رێكێ پشته‌ڤانييێ ل بزاڤێن ئاشتي و ته‌ناهييا ده‌ڤه‌را رۆژهه‌لاتا ناڤين بكه‌ت كو ژ شه‌ڕ و پێكدادانان دوور كه‌ڤيت و لشوونا هندێ ئاشتي و ته‌ناهي به‌ر‌قرار بيت.
دهێته زانين ئه‌ڤ سترانه ژ په‌يڤێن هۆزانا جه‌واهرييێ مه‌زن (كوردستان) هاتييه چێكرن ژ ده‌رهێنانا ده‌رهێنه‌رێ لبناني يێ گه‌نج فادي حه‌دادي يه ئه‌وێ به‌رييا نهاژي د چه‌ند كاره‌كێن هونه‌رييێن سه‌ركه‌ڤتيدا دگه‌ل ڤێ سترانبێژا مه‌زن كاركريه.
هێژاي گۆتنێ يه كليپكرنا ڤێ سترانێ ل لبنانێ هاتييه كرن د ره‌وشه‌كا جوانا دگه‌ل سيمايێ سترانێ بگونجيت و ستايلێ تايبه‌تێ سترانبێژا ناڤهاتي و ئه‌ڤ سترانه دێ بيته ده‌ستپێك بۆ دوباره زڤرينا وێ بۆ ناڤ مه‌يدانا سترانێ پشتي بۆ هه‌يامه‌كا درێژ ژڤي بياڤي دووركه‌تي، لێ هه‌رده‌م يا نێزيكي كارێن هونه‌ري و راگه‌هاندنێ بوويه.
war
- 2395 خوێندنەوە
