![](https://www.semakurd.net/sites/default/files/imagecache/400xY/roniwar.jpg)
رۆني وار نڤيسكارهك كورده ژ باكورێ كوردستانێ يه، ژ گهلهك جورێن ئهدهبي مينا چيرۆك و كورته چيرۆك و رۆمان خودان بهرههمه، ناڤهك خوهيايه د ناڤا تۆره و ئهدهبياتا كوردي ده، مه دهليڤه ديت كو ئهم ل سهر نڤيسكاري و خهباتا وي و ههر وهسا ل سهر وهشانخانهيا وي يا " ئاڤا" چهند پرسان ژێ بكن و وي ب كێفخوهشي بهرسڤا مه دا:
ههڤپهيڤين : هۆزان ئهمين
وار: رۆني وار، كي يه، ل كو بوويه و ب چ كاري ڤه مژووله؟
رۆني وار: ئهز ل سالا 1969 ل گوندهكي دێركا چيايێ مازي هاتيمه دنيايێ. دو جاران كهتيمه ههپسا دياربهكرێ. اا سالان من نوونهريا سهنديكايا كاركهران كريه. نڤيس و چيرۆكێن من د رۆژنامه و كۆڤارێن مينا ئازاديا وهلات، نوودهم، كهڤان، نووبهار و... هاتنه وهشاندن. دهمهكێ د رێڤهبهريا كۆمالهيا نڤيسكارێن كورد يا ئامهدێ ده من جهگرتيه. ههفتهيێ رۆژهكێ د ئازاديا وهلات ده من نڤيسه. كارێ وهرگێر و وهشانێ دكم. پرتووكهك من ب ناڤێ “كويوداكي تاش” ژ هێلا چهتين دووران ڤه وهرگهري زمانێ تركي بوويه.
وار: ته ژ كهنگێ ڤه و چاوا دهست ب خهباتێن نڤيسكاريێ كريه؟
رۆني وار: بهرسڤا ڤێ پرسێ زههمهته، سهربۆرييا من و نڤيسێ دوور و درێژه. ژ بهركو ههما من بيربريه ئهز و نڤيس هۆگري ههڤبوونه، لێ گهر وهك وهخت بێ گۆتن ژ 1985 ئان و ڤر ڤه ب هێڤيا چاپێ خهباتێن خوه ددم ههڤ.
وار: تو وهشانگهريێ ژي دكي، تو دكاري وهشانخانهيا ئاڤا ب مه بدي ناسكرن؟
رۆني وار: وهشانخانهيا مه ئاڤا د سالا 2009ان ده دهست ب خهباتێ كر. ناڤهندا مه ل ئامهدێ يه. خهباتێن مه نها ژي بهردهوامن.
وار: ته ژ بهر چ ئهگهرێ دهست ئاڤێته كارێ وهشانگهريێ و ئارمانجا ته چيه؟
رۆني وار: ههر وهشانخانهيا كو ڤهدبه ژ بۆ چاند و وێژهيا مه دهولهمهنديهكه. مهخسهدا مه ژي ئهوه كو ئهم دهريهكي دن ل وێژه و زمانێ كوردي ڤهبكن. ئهم ل تركيه تهڤلي ههموو ئۆرگانيزاسيۆنێ توياپێ، ئانگۆ ئهم تهڤلي فووارێن پرتووكان دبن. ئهڤ پێشانگهه ل گهلهك باژاران ل داردكهڤن. ل ستهنبۆلێ، ل خزميرێ، ل ئهدهنێ، ل بورسا، ل ئانتاليا، ل ئامهدێ، ل ئهنقهرێ و ل هن باژاڕێن دن لداردكهڤن. دهما ئهم تهڤلي ڤان ئۆرگانيزاسيۆنا دبن خوهنداڤانێن كورد ل مه دجڤن و ئهم ب هێساني پرتووكێن كوردي دبن بهر لنگێن وان. ئهڤ ژي مه پر كێفخوهش دكه.
وار: ههتا نها ژ ئاليێ وهشانخانهيا ئاڤا ڤه چهند پرتووك هاتنه چاپكرن؟
رۆني وار: مه ههتا نها 44 بهرههم وهشانديه و نها گهلهك بهرههمێن كو ل بهر چاپێنه ل بهردهستێ مهنه.
وار: بابهت و مژارێن وهشانخانهيێ يێن ئاساسي چنه ژ بۆ چاپا بهرههمهكێ ؟
رۆني وار: د ناڤ وهشانێن مه ده; رۆمان، چيرۆك، كورتهچيرۆك، پهخشان و ههلبهست ههنه. ههر بهرههما كو زماندرێژيێ ل همبهر نرخێن مه نهكن و ژ هێلا هونهري ڤه هێژايي وهشانێ بن ئهم دوهشينن. ئهم د سهري ده ژ كهسێن كو دۆسيايێن خوه ژ مه ره دشينن ره ڤێيا دبێژن، “دڤێ د بهرههمێ ده بێهورمهتي ل همبهر سازييێ، زماني، ئۆلي و نهتهوهيي تونه به!” ئاساسا مه يا ههري بهربچاڤ ئهڤه.
وار: وهشانخانه، ئان ژي ئهم بێژن پرتووكێن كوردي مهزاختنێن خوه دهرتينن گهلۆ? و هوون چاوا دكارن وهشانخانهيێ راگرن؟
رۆني وار: مخابن ئهم نكارن ببێژن كو “ مهزاختنا خوه دهردخن” لێ ديسا ژي ل گۆر سالێن بوهوري خوهندهڤانێن كوردي زێده دبن. د ههر فووارێن پرتووكان يێ كو ئهم وهك وهشانخانه تهڤلێ دبن، ئهم ڤێيا دبينن. ميناك: ڤان رۆمانێن من يێ كو من ڤێ داويێ دهرخستنه -فهقيێ تهيران، مهم و زين، سيابهند و خهجێ و تههار و زهارێ- ههر يهك ب كێماني سهد ئان ژي سهد و بيست ژ هێلا خوهندهڤانان ڤه تێن ستاندن. ب بهرههمێن وهك ڤان بهرههمان ئهم ل سهر لنگان دمينن.
رۆژنامهيا وار