![](https://www.semakurd.net/sites/default/files/imagecache/400xY/delil.jpg)
هونهرمهند دهلیل دیلانار ناڤهكه خویا یه د ناڤا مهیدانا هونهرا كوردی ده، و ب تایبهتی د واره سترانا كلاسیك ده و دهنگبێژیێ ده ، ژ بنهمالهكه دهنگبێژه و برازیێ دهنگبێژ حوسيَنى مؤشى یه لؤَما د بن بهندؤرا هونهرا وان كهسان ده، خوه پێش خست و خوه گها ئده استهكه بلند ،
ژ ههرێما سهرحهدێ یه ، و نها ذيانا خو ل خهریبیێ ددؤمينه و ل ئالمانیا ب جیه بویه .هونهرمهند دیلانار خوهدی تایبهتیهك هونهری جاوازه و ب دهنگێ خوهیی خوهش و هونهرا خوه، دخوازه زهنگینیا هونهرا كوردی دهولهمهندتر بكه و ناسناما وێ یا كهڤنار و نهتهوی بپارێزه.
ژ بهر ئهنجامدانا چهند كارێن هونهری، ل باژارێ دهؤكێ ئهم لێ راست هاتن و ژ بؤ رؤژناما وار ب ڤی ئاوایی ئاخڤی.
ل سهر هاتنا خوه یا كوردستانێ و كارێن كو پێ رابویێ ئاخڤی و گؤت ?
ئهڤ چار پێنج جار ئهز هاتمه ههرێما كوردستانێ، و ژ بهر ههلكهفتێن جودا ئهز هاتمه ڤهخوهندن، ڤێ جاره ژی ئهز ب تایبهتی هاتم ژ بؤ فهستیڤالا رهوشهنبیری ل دهڤهرا سؤران ب ههلكهفتا رؤژا رؤژنامهگهرایا كوردی، من بهشداری تهده كر و د ئاههنگا ڤهكرن و گرتنا فهستیڤالێ ده من ستران گؤتن، و نها ژی ئهز ل دهؤكێ مه ژ بؤ كؤنسهرتهكێ ژ پێشمهرگێ زێرهڤانی ره ، ههر وهها بهرناما من بهردهوام ه، و هن كار ل پێشیا من مانه.
د دهربارێ فهرق و جاوازیا ههر جارێ كو تێ ههرێما كوردستانێ ژی گؤت "كوردستان ههر جار ژ جارێ فهرق دبه و پێشده دچه، جارا داوی ئهز هاتبووم بهری سێ سالان بوو، وێ دهمێ ژی ئهز گهریام ، لێ نها گهلهك خوهشتر بویه ، نهمازه ههولێر گهلهك مهزن بویه و نه د بهوارێ ئاڤهدانیێ تهنێ، د گهلهك واران ده بالا مرؤڤان دكشینه.
ل سهر كار و خهباتێن خوه ، و پێكانینا كؤنسهرتان ل گهلهك دهڤهرێن ژ ئهوروپا ههیا ئهمهریكا. گؤت بهلێ راسته ئهز تهڤلی شهڤێن رێخستانان ژی دبم و ئهز ب سهره خوه ژی كؤنسێرتێن تایبهت چێدكم، ههر دو سالان جارهكێ ژ ئهوروپا ههیا ئهمهریكا، ئهز ب خوه دخوازم ب جهماوهر ره روو ب روو ببم، ( كؤنسهرتێن سؤلؤ) پێك بینم.
مه پرس كر چما تو ههز ژ كؤنسهرتێن تایبهت دكه، و تو دخوازه ب تهنا خوه به، بهرسهڤا مه وهها دا ، وێ دهمێ مهره هێزا خوه ناس دكه ، ههگه هونهرمهندهك نكاربه كؤنسهرتهكێ ب سهره خوه چێكه هێزا خوه وندا دكه، ل گهل كو جهماوهرێ ته تێ پێشبهری ته، ئهو كهسێن هاتنه تو دزانه ژ بؤ ته هاتنه و ههزكریێ ته نه ، ژ بلی گهلهك تشتێن دن ئێن تهكنیكی، ئهز گهلهك جاری بهشداری كؤنسهرتێن گشتی ژی بوومه ، و ب دههان هونهرمهد ژی تهده ئاماده دبوون و ب سهد ههزاران خهلك ژی تێنێ، لێ مرؤڤ زانه كو ههر كهس گوهداریا مهره ناكه.
ئهم هاتن سهر فلكلؤرا كوردی یا كو ب وێ دهنگ دایه و نهخاسم ب سترانا (دهلێل و عهدوولێ) گهلؤ هونهرمهند ههگه فلكلؤرا خوه ناس نهكه دكاره پێشكهڤه?
بهرسڤا مه ب ڤی ئاوایی دا ، دیرؤكا مه كولتورا و وێژهیا مه ، د ناڤا وان كلامان ده هاتنه پاراستن و ڤهشارتن، ههتا زمانێ مه یێ كوردی یێ رهسهن ژی د ور ده هاتیه ڤهشارتن و ئهو مایه میراس ژ مهره ، لؤما ئهز مرؤڤهكم ل سهر موزیكا كوردی دخهبتم لازمه ئهز وان تشتان زانبم و ل سهر لێكؤلین بكم و بژهنینم، ئهڤ ژی ڤهدگهره كو ئهز ژ مالباتهكه دهنگبێژم و وهك بهرپرسیاری ل سهر ملێ خوه دبینم كو ئهز وان كلاسیكان و هونهرا وان دهنگبێژان و كلامێن وان ب نفشێن گهنج ره بدم گوهداری كرن و ههزكرن، بێ گومان ئهڤ كارهكی مهترسیداره و گهلهكا وێ دهمێ دگؤته من ، تو خؤرته و تو دكاره مؤزیكا پؤپه چێكه ئا رؤكێ چێكه ، وێ ههزكریێ ته پر بن تێ دهولهمهند ببی و ناڤدار ببی، لێ من ئهو نهپهژراند و من بهرێ خوه دا كهڤن و من خوهست ئهز ڤهژینم.
ل سهر ئانسترؤمهنتێن كو لێ دخه، ژ مهره گؤت كو ئهو ل تهنبوورێ دخه ل ناڤهندا چاندا مهزؤبؤتامیا ل ستهنبؤلێ فێر بوویه، و ههر وهها ل مؤسكؤ فێری بالهبانێ بوویه ل دهف ئهگیدێ جمؤ ، و ب خوه هیمی بلوورێ بوویه ، و گیتار ژی ل ئهوروپا هیم بوویه، و هن ئالهتێن دی ژی زانه لێ نه وهك وان ب هؤساتیی، و گؤت كو د ئالبؤمێ خوه ده ژی ئهز ب خوه ل وان ئالهتان ددم.
د بهردهوامیا ئاخفتنا خوه ده هونهرمهند دهلیل :گؤت كو ههگه مرؤڤ ههز نهكه و خوه نهوهستینه مهره نكاره ئهوقاس ئالهتان فێر ببه و ل سهر خهباتێن خوه یێ تایبهتی و ئامادهكرنا ئالبؤمهكه نوو گؤت كو ئهو ل مالا خوه ل ئالمانیا و ل ستؤدیؤ یا خوه كارێ خوه بهردهوام دكه، و ل سهر بهرههڤكرنا ئهرشیفهكێ ژ دهنگبێژێن كورد ره كار دكه و ئهڤ كار وهك كارهكی سهرهكی دزانهم كو ئهو موزیكا گهلهری یا كوردی دپارێزه، و دخوازه كورد ژی وهك ملهتێن دن ب موزیكا خوه وهرن ناسكرن ، ئهو تایبهتی ژی د موزیكا دهنگبێژیێ ده ههیه، و جودا یه ژ ههموو موزیكێن دونیا یێ.
وار