وێنێن 80 هونه‌رمه‌ندێن كلاسیك دێ ل دیاربه‌كر هێنه نیشادان
ئه‌ڤرۆ نیوز، سالار دۆسكى
ب چاڤدێریا هه‌ر دو باژێرڤانیێن دهۆك و په‌یاز ل باژێرێ دیاربه‌كر و ب هه‌لكه‌فتا بورینا (18) سالان ل سه‌ر وه‌غه‌ركرنا هونه‌رمه‌ندا مه‌زانا كورد(عه‌یشه‌شانێ) لژێر ناڤێ( هێش په‌یڤ ل سه‌ر ئاواز دله‌یزن) ل رێكه‌فتى 26هه‌تا 29/12/ پێشانگه‌هه‌كا وێنێن هونه‌رمه‌ندێن كوردێن كلاسیك، بۆ هونه‌رمه‌ند(حه‌سه‌ن بیبۆ) دێ هێته ڤه‌كرن.
ئسماعیل مسته‌فا رێڤه‌به‌رێ په‌یوه‌ندى و راگه‌هاندنێ سه‌رۆكاتیا باژێرڤانیا دهۆكێ بۆ ئه‌ڤرۆ نیۆز دیاركر كو ئه‌ڤ كاره دێ ل ژێر چاڤدێریا هه‌ر دو باژێرڤانیێن (دهۆك و په‌یاز) هێته‌گێران بۆ هونه‌رمه‌ند (حه‌سه‌ن بیبۆ) و ب هه‌لكه‌فتا وه‌غه‌ركرنا هونه‌رمه‌ندا مه‌زن(عه‌یشه‌شانێ) و چه‌ندین رۆژان دێ یا به‌رده‌وامى هه‌بیت.
هه‌ڤده‌م خودانێ پیشانگه‌هێ، حه‌سه‌ن بیبۆ بۆ رۆژناما ئه‌ڤرۆ گۆت: پیشانگه‌ه ژ (80) وێنێن هه‌ر چار پارچێن كوردستانێ پێك دهێت یێن كلاسیك و پتریا وێنان بۆ جارا ئێكێ یه دهێنه نیشادان، دیسا ل گه‌ل ڤه‌كرنا پیشانگه‌هێ چه‌ند كلیپێن هونه‌رمه‌ندان دهێنه نیشادان كو بۆ جارا ئێكێ یه ب رێكا داتاشوویێ و هه‌ر چار دیوار دێ بنه ڤیدیۆ كلیپ و دو ژ وانا یێن هونه‌رمه‌ندێ مه‌زن( حه‌سه‌نێ جزیرى ) نه و دیسا ل گه‌ل نیشادانا چه‌ندین كلیپێن هونه‌رمه‌ندان.
- 2013 خوێندنەوە
