چه‌ند كورته‌چیرۆك ب پێنوسا نڤیسكار... اسماعیل سلیمان هاجانى
جامخانه
ڤێئێڤارێ،و ل ڤێكولانێ، پێلاڤ د جامخانێده رێزن و دبرسقن، ب په‌رێن نعامان و ب ده‌ستێپه‌ریان دهێنه پاقژكرن.هه‌رڤێكولانێوجامخانا به‌رامبه‌ر په‌رى تێده درێزن ، هند وه‌ك په‌پوكان د له‌رزن و هند وه‌ك مه‌یمونكان دلڤن ،به‌نیشتێخوه دجوون و دره‌قسن.. نه‌كه‌س وان وه‌ك پێلاڤان پاكدكن و نه‌چ روبار وان تافیردكن من سه‌رێخوه ته‌واند، بۆریم و شه‌رم ژ كراسێخوه‌ى مرۆڤاتیێكر.
***********
مێوژ
گه‌له‌ك ژ مێویژان حه‌زدكر،نه‌خاسمه زفستانان تێشتا وى یا سوبێهه‌كه خوشاڤنه‌با ،وێرۆژێهه‌موویێمه‌عدێخوه ل كه‌سێ ڤه‌نه‌دكر.هه‌موو پایزان ،منه‌ك ژ كه‌تك و سه‌وكێن هه‌ژیران و دو خونكاریێن مێویژێن زه‌ر و ره‌ش دكرین ، دگه‌ل هنده‌ك متایێن دى یێن شرین چنكو دوگرێیێن سالان ژ هه‌ڤژینا خوه مه‌زنتربوو ئو گه‌له‌ك حه‌ز ژ كولندێزه‌ر دكر نزانم كێگووتبوویێئه‌ڤمتایه بو زه‌لامینیێباشن .لێڤێپایزێب مێویژێن خوه شا نه‌بوو ،پشتى شوره‌ش گه‌رم بووى گوتگوتكه‌ك هه‌بوو هه‌ر ماله‌كا ل ده‌شتێ حكومه‌ت مێویژان یان هه‌رمتایه‌كى چیایى لێببینت خودێژ وێمالێستاند.ئه‌و مال دهێته گونه‌ه باركرن ب پشته‌ڤانێن شوره‌شێو به‌لگه ژى ئه‌وه وان گه‌نم دایه ب مێویژ .ویێبازارێدگه‌ل یاخى بوویان بكه‌ت و گه‌نمى ب دته‌وان ئه‌وژى گونه‌هكارن وه‌كى وان یاخى بوویان. ب ڤان گوتنا دكه‌نى و سه‌رێخوه دهه‌ژاند و دگووت: مالك وێرانینو ئه‌ڤه مێشكێوه ته‌مه‌ت یى چووچكان ژى نینه دێچاوان حكومه‌ت پێل كه‌لامێخودێدێنت نێد قورئانا پیرۆزدا گوتیه (تینى و الزیتونى) ل مه‌لایى مێزه‌كر و گووت مانه سه‌یدا دزانت؟.
مه‌لایى گوت: عزێر راست دبێژى به‌س به‌حسێزیتون و هه‌ژیرانكریه و د هنده‌ك ئایه‌تێن دى ده به‌حسێترى ژى كریى (والعینه‌به) لێبه‌حسێمێویژو خوشاڤێنه‌كریه؟
- ئانكو چ ته مێویژ قه‌چاغكرن سه‌یدا؟
- فلانو نه من قه‌چاغكرنه لێحكومه‌تێقاچاغكرنه.
- ب وێقورئانا تو لێدخوینى قاجاغبن قاجاغ نه‌بن ئه‌زێوان بخوم و گاڤا له‌شكه‌رێحكومه‌تێهات خودێكه‌ریمه.
حه‌فتى یه‌ك نه‌بۆرى پلنگێچیایێبێخیرى ب سێسه‌د پێشمه‌رگان ڤه خوه گه‌هانده عینزالا و داستانه‌كا دى ل فه‌رهه‌نگا شوره‌شێزێده‌كر.و ئاگربه‌ردا بن پێن حكومه‌تى|َ، تارى گه‌وركێگوندێوان دورپیَِچكر، وه‌نه‌كرن زارو زیج یان په‌زو بێجى ژ گوندى ده‌ركه‌ڤن و مال ئێك ئێك سه‌رێك و بنێك كرن.قیرقیرو گورده گورد و پور پورا بیره‌كا و زاروكان چوو ئاسمانى.ده‌مه‌كى گوریا ئاگرى ب سه‌رخانیێعزێر كه‌فت .زورێنا زاروكێن وى ب سه‌ر هه‌موو ده‌نگان كه‌فت و جنگلێوى دده‌ستێئه‌فسه‌ره‌كى ده و حه‌یزه‌ران ل دوف حه‌یزه‌رانى ل كه‌ماخێن وى رێزدكرن و دگووت (ها... ته پێشمه‌رگه نه‌دیتیه ، با ئه‌ڤدولكێن مێویژان مه دناڤمێده‌كا وه‌دا دیتن، تو د شێى بێژى من مێویژ نه‌خوارینه ؟!)
مینا په‌پوكان د ده‌ستێوى دا دله‌رزى و خوه ئاماده‌دكر بێژیتێخودێبه‌حسێترى كریه و نه‌حه‌رامه و ته‌ژى موسل و به‌غدا ژى مێویژو متایێچیایى نه.لێحه‌یزه‌رانى رێك نه‌دایێ.ولال بوو نه‌شیا لێڤابنى ل یاسه‌رى بدت. ل سه‌ر ته‌نشتێد وى حالى ده چاڤێوى ب گۆریا ئاگرى كه‌ت وه‌ك بابه‌لیسكى دخانیێوى ده دزڤرى و قورجا خوه داعورا و بو خوه دگووت: باشه مێویژ یێت بن ئاخێڤه ناهێنه سۆتن.جاره‌كا دى سه‌رله‌شكه‌رى سه‌رسومه‌ك لته‌ركا سینگى وى دا و ل ئه‌ردى ته‌مرى و گازیكر هه‌رن عه‌ره‌بى زانه‌كێ بینن به‌لا بێژیته‌ڤى سه‌رهشكى مێویژ ژكیڤه ئیناینه؟
مه‌لایى قۆرئانا خوه ب ده‌ستخوه‌گرتبوو چ مالا وى دڤیا دبه‌زى پێشیا له‌شكه‌رى و دگووت ب ڤێقۆرئانێئه‌ڤێمالێج په‌یوه‌ندى ب یاخى بوویانڤه نینن.لێده‌ره‌نگ گه‌هشته مالا عزێر ، جنكو زكاتێن خوه دكرنه دوبر .بره‌ك ددا مه‌لاى و برا دى ددا زرنابێژێگوندى.
ده‌مێچاڤێمه‌لایى ڤێكه‌تى د وێبه‌رگالێدا دلێوى شه‌وات ژێچوو ئو ب عه‌ره‌بیه‌كا ره‌هوان گووت :بوچى ئه‌زبه‌بنى تو ڤێب سه‌رێب سولمانان دئینى ئه‌م ئه‌ڤگونده هه‌موو هه‌ڤال به‌ندێن حكومه‌تا خوه‌نه و تو یێدبینى هه‌ر ماله‌كێئالایه‌كێسپى ل سه‌ربانێخوه چكاندیه ، خوه هه‌تا فروكه ژى ڤى تشتى دزانن .
-بێژێئه‌ڤمێویژه ژ كیڤه ئیناینه و چاوا گه‌هشتینه ڤێمالێئه‌ڤه هه‌ڤالێوانه .؟
-ئه‌ز دێبو ته پتر ژ شاهده‌كێئینم ،به‌لنگازێخودێژ موسل كه‌رینه و ته‌ژى موسل و به‌غدا متایێن چیایینه بوچى بو خه‌لكێعیراقێهه‌موویى حه‌لالن و یاسا یى یه، تنێبۆمه ڤان چه‌ندگوندا قه‌چاغ وحه‌رامن.و بو زانین ئه‌ڤه سه‌رێساله‌كێیه وه شه‌كرو جا و ئازوقه ژمه قه‌ده‌غه‌كریه ،نزانم گونه‌ها مه چیه ،هه‌ما مه‌هه‌موویان كومكه سه‌رێك و ئاگرى به‌رده مه .
پشتى ڤان گووتنێن مه‌لایى سه‌رله‌شكه‌ر بێده‌نگ بوو باشى ده‌ست ئاڤێته جنگلێعزێر ژ ئاخێراكر و ڤه‌گژگژاند و گووتێ:هێدى مێویژا نه‌خوه جاى مێویژان قه‌سپا بخون و هه‌ر قه‌سپه‌ك ده‌ه جاران ژمێویژان مه‌زنترن و باشترن.
عزێر ب ده‌نگه‌كى مه‌لوول دبن لێڤانڤه گووت : سه‌یدا بێژێئه‌ز حه‌ز ژێناكم هناڤێن من ب قه‌سپا دچن.
****************
سیمه‌ر
ئه‌و یازده ده‌مژمێر بوون تو لسه‌ر كه‌لێژیا خوه رونشتى گرانیا له‌شێته كه‌لێژیا ته وه‌كى كه‌فا كوبالێ خوار كربوو.ته‌زیلانك ب كه‌ماخێن ته‌دا تێن خوارێژبلى بروسیێن ژ نێكێن ته و قۆلنجێن ته دچن لێتشتێهه‌رى باش هێش تاما كه‌بابێن ئاگرى د ده‌ڤێته دا مایه.گۆشتێگیسكێن پایزێب نه‌فه‌ل و لاڤلاڤكا چه‌مێزه‌رمه‌زن بووین و لسه‌ر په‌لێن چنارێن جه‌مێمورادیێسوربووین بابێته راست دگۆت هه‌ره وه‌لاتێژوورى دێبێژنه ته هه‌ى ئه‌ز گورى.
گاڤا هوون ب ژوور كه‌تین حه‌وشێ تایلویه‌كا ب ئنگلیزى و تركى و كوردى نڤیساى. هوتێلا سیمریخێرهاتنا وه‌دكت ، چه‌ند داس و شالوك و قه‌یناغ، ژبلى تربانا و بالتێن جه‌نجه‌ران ،زویجك و گێسن،كورتان و مه‌عرك و ركێب زین و جهور ب ته‌دكه‌نین.ملێدى چه‌ند ته‌لهه و ته‌پك ، داڤك و خاڤك ،مه‌شك و سێپێك ،چیت وهێشى ، ده‌ن وگۆزك و جه‌ره‌كان دگۆتن ب خێرهاتن .كۆینه‌كى مه‌زن ژ مووین بزنا ل سه‌ر حه‌فت ستونان سیبه‌ر ل وه‌دكر ولبه‌ر پێن وه به‌رك و مێزه‌ر و مه‌حفورێن كوردى.نه‌خشه‌كى مه‌حفوران چاڤێن ته بو خوه دزین ،ته گۆت هه‌بت نه‌بت ئه‌ڤمه‌حفوره كارێتلێن مازیلۆك و زه‌ندێن هه‌لوه‌ریایێن پیرا من خه‌جوونه. زه‌لامه‌كى هند ب كه‌له‌خ هه‌كه شه‌ق كربان چار سمایلوكێن وه‌كى ته دا كه‌ڤنێ، ل پێشیا وه خوه هند چه‌ماند هه‌تا كه‌پیێوى ژ چوكێن وى گرتین.ب كوردیه‌كا خوینه‌لۆگۆته وه هون بخێرهاتن ،مه‌لیونه‌ك و نیڤخێرهاتن ژ لێڤێن وى دفرین ب شرینیا هنگڤێهوزو میران دبشكورى. پشتى هه‌ر یه‌ك ژ وه چوویه ژوورا خوه لبن ئاڤره‌شینكێوه له‌شێخوه شوشتى و بیسته‌كێخوه درێژكرى .چاڤێن ته ژ په‌نجه‌ریكا رۆژهه‌لات ڤه‌نه‌بوون .دگه‌ل مزائێكێژ جگارێ ته په‌نجه‌ریك ڤه‌كر و كه‌تیه دگۆمانانده سوبه‌هى زوو دێچیه جڤاتا حه‌زره‌تا شاهێپه‌یڤان خانى یێمه‌زن ،تو دێچاوا خوه چه‌مینى ،چاوان سلاڤكى ،وێچ بێژته وه ،هونێچ بێژن.دڤان هزراندا چاڤێن ته‌كه‌تن كوچكا لاوكێسلیڤى مه‌حه‌مه‌دێپر به‌لا، پشتا باژارى هه‌لیبكوتران وه‌ك ته‌شیرێسكان مللێن خوه داینه ئێك زرى پوشان وه‌ك به‌ركێن دامانێخوه رێزكرینه.ژ خوه تانك و تۆپ ناهێن هه‌ژمار. وه‌ى ئه‌ڤكۆچك باڤه هه‌تا مرنێژى هزرێبو خانى دكن و ژێدترسن ئه‌ڤقه‌ده‌ر له‌شكه‌ر و جه‌بلخانه دناڤبه‌را مه‌زارێخانى و باژارێبایه‌زدێدا به‌لاڤكرینه، براستى ئه‌ڤگاوربابێن تورانى شاره‌زانه دزانن هێژ خانى ساخه ونه‌مریه هه‌رگاڤا كوخى وێقاج و قۆلوچێن وان بدته مللێوان و به‌رێوان بدته مه‌نگولستانا وان وه‌لاتێچاڤقۆمقۆركان.
زرزرا ته‌له‌فونێتو ژ په‌نجه‌رێدورخستى : به‌لێ
- كه‌ره‌مكن سالونا شیڤخوارنێ
شیڤه‌ك به‌رفره‌ه ژ مه‌زناتیا مقامێخانى .سوحبه‌ت و كه‌ن و چیرۆك و سه‌رهاتین هه‌موو خانى دگه‌ل دوو كوپێن ده‌وێسپى مه شه‌ڤراته‌قاند.ل ده‌ردورا مه پر كاله‌مێر و خانمێن ئورپى ب ژمار من دزانى نوت كه‌سا پترن چنكو دوو پاسان ئه‌و ئینابوون دگه‌ل هند چیاڤانێن به‌ژن زراڤو زه‌ڤله‌ك رساس.مێڤاندارێمه گۆت ئه‌ڤمێڤانێن بیانى هه‌موو ئه‌رمه‌نن ژ وه‌لاتێن ئورپا دهێن ته‌وافا چیایێئاگرى چارنا حه‌فتى یه كێدمینن و ئه‌ڤێن چیاڤان ژى دچن چیێچه‌ند رۆژان دمینن و ڤه‌دگه‌رن ،جارنا هند ژ وان دقه‌رمن و ژ سارمانده دمرن.
سوبه بوو، بایێئاگرى بێهنا به‌هشتێد به‌خشى ل سڤده‌را قاتێدووان دگه‌ل قه‌هوا سبێچاڤێن ته ژ به‌ژنا ئاگرى ڤه‌نه‌بوون،قه‌ى ته دگۆت مه‌لایه‌كه و جوبه‌كا سپى گرێدایه ، ده‌ستێزارۆكه‌كى د ده‌ستدا بوو بشتى تو برسیى گۆتن دبێژنێچیلكا ئاگرى.
ده‌نگێنالێن برویێحه‌سكێو ناڤتێدانا مه‌میانان دهاته گۆهێته و ته‌ژى بۆزێته بێهنا خوها پاخلا باپیرێته بوو.ده‌نگێحیلحیلا شه‌مبۆزان و شه‌ق شه‌قا سومێن كه‌عێلان دگه‌ل ده‌نگێتنائش میر و كجیچاپیان و سێخانا ژ دوور دهات .ئه‌و جگارا سیان بوو تو دگه‌ل فرا قه‌هوا سوبێئاگر دكى.
ماسا ته‌نشتێ، خانمه‌ك ئه‌رمه‌ن وه‌ك ته ستێرك ل به‌ژنا ئاگرى گرت بوو ،هاى..هاى ئارارات وه‌ك بووكه‌كا شه‌رمین ستویێخوه خواركربوو لبن خێلیه‌كا سپى .چاڤێن وێوهشێن وێژمن دوور تر چووبوون.من دزانى ده‌نگێناڤتێدانا مه‌لك تیكرا تێ و گرى و پارپارا زارو پیره‌كێن وان دده‌ستێن گاورێن چاڤبجووكدا.هێرشى گوهێن وێدكن.
ژ وه وێڤه‌تر خانمه‌كا بژى سور ب تركى شولدوم بولدمه‌ك دكر و فر ل قه‌هوا خوه ددا و ب گریا من و ره‌به‌نا ئه‌رمن دكه‌نى و ب بۆز بلندى جگاره‌ك كره دناڤلێڤێن خوه‌دا و گۆت ئاته‌ش ..ئاته‌ش.ته و خانما ئه‌رمه‌ن بهه‌ڤرا بله‌ز چه‌قماقا خوه هلكر و پشتا خوه لبه‌ر چه‌ماندو ژێره گۆت كه‌ره‌مكه ئه‌فه‌ندم .وێژى مزه‌كا كوور و دوور ل جگارا خوه دا و پیه‌ك ل سه‌ر پیه‌كێراهاڤێت و دوكێلا خوه به‌ردا سه‌ر و ناڤچاڤێن وه ب ده‌نگه‌ك بلند گۆت ئاگرى داغ داغیمزدر چۆك یوكسه‌كتر گۆروینمه‌ز باشى.
*****************
ته‌رت
كاروانى یه‌كى ڤه‌رێلهاى، هه‌ڤسارێهێستره‌كا قه‌رقۆده دكێشا ،د وى گه‌لیێكوور ده هزارو ئێك ده‌نگێن گیانه‌وه‌رێن درنده هێرشى گوهێن وى یێن نخافتى دكرن دبن ده‌رسوكا ره‌شبه‌له‌كا قه‌میاى دا. هه‌ر پێنگاڤه‌كێچه‌ندین به‌ربووكیێن ئه‌جنا دبه‌ره دبۆرین.لێڤێن وى نه‌دكه‌تنه سه‌رئێك هندى ناڤێخودێدئینا و ئه‌عوزوبلاه دگۆتن. ده‌مێژ گه‌لیێكوور ده‌رباز بووى ، چاڤێن وى ب روناهیا گوندێن ده‌شتا دوبانا پان و به‌رین كه‌تین دلێوى دو جاركى خوه قۆتا.
جاره‌كێژ خوشیا په‌یداكرنا قۆتى بو زڤستانێ. یا دووێژ ترسا مین و بوسێن له‌شكه‌رێحكومه‌تێ.
پشتى قه‌ده‌ره‌كێهاتى پێن خوه سڤككرن دڤێت به‌رى سته‌وو و گه‌وركێ بگه‌هیته ناڤگوندى .ژ نشكاڤه بیرا جیرانێوى هاته بیرێده‌مێگۆتى:
- كۆرو هشیاربه سه‌گبابا هند مینێن چاندین ئه‌و رێو رێبار چومك و نهال خوه حه‌تا ناڤرێڤێن ده‌یكا خوه ژى مینرێژكرین ، به‌س ملا سه‌لال كوزا گوندیه ژ به‌ر ته‌رش و كه‌وال و رێبارا گۆندیا مین نه‌كریه، هه‌كه دجى هشیارى خوه به.
سه‌رێهێسترێگرت ، وه‌ك دزا پێنگاڤێن فره و بێده‌نگ هاڤێتن. چاڤێن خوه لپێشیا خوه دگێران چ تشت نه ددیت ژ به‌ر پوش و په‌بله‌خى وه‌كى بازه به‌رێلنگێن خوه دهاڤێتن، ژ نشكاڤه پێوى كه‌ته سه‌ر قه‌بسونێوخرپ و چوو خارێ.له‌رزى هه‌ڤسار ژده‌ست كه‌ت،نه‌وێرا خوه بلڤینت. وێشه‌ڤا كانونا پاشیێخوه ژ كه‌پیێوى یێمازیلۆك دلۆپ دلۆپ بارین بێهنا وى سواربوو ولێڤێن وى له‌رزین. یه‌كسه‌ر كورێوى یێیجووك هاته بیرێ، ده‌مێژمال ده‌ركه‌تى خوه تێوه‌ر كر و ماچه‌كا درێژ ل سمبێلێن وى یێن بۆز دا –باب زوو وه‌ره بۆمن حه‌لاوا ته‌حینێو شه‌كرۆكێن غازى بازى بینه.
لسه‌ر ملێخوه زڤرى ل هێسترێنێرى ژ وى وێڤه‌تر خورمه خورما وێیه د چه‌رت،ب ده‌نگه‌كى كز - هه‌ى بێخودان پاشڤه بزره به‌لكو گوندى د هه‌وارا من بێن .جاره‌كا دى سه‌رێخوه شووركر و ل پێخوه یێراستێنێرى ، چاڤێن وى ب میكابا زه‌ر كه‌تن كرێن ژدلێوى هات .ده‌نگێژنكا وى دگوهاده ده‌نگڤه‌دا –ما تو بێلاڤا زه‌ر ب ده‌ه دینارا دكرى ماته‌نه‌گۆت تو ئه‌مینێلاوێپه‌ریخانێى .خوه نه تو سه‌رپه‌لى وه‌كى بازا چیا و چیا دچى ، تو ژى دا جزراویته‌كا ب چارێكه‌كێكرى.
من دگۆت ئه‌ڤه دێده‌ه سالان خوه د پێمن گرت ، لێمخابن ئه‌ڤه نه‌بوون دوو رۆژ . پێوى له‌رزى هه‌ردوو ده‌ستێن خوه دانانه سه‌رچۆكێخوه نه كو پێوى سست ببت. بیرا گوندیه‌كى وان هاته بێرێده‌مێكه‌تیه دڤى ده‌راڤیده و پاشى خوه پشت و پشت هاڤێتى مینێپێوى وه‌كى دومێعه‌لۆكى لێكرى ئو بده‌ستێخوه داسه‌ك للنگێخوه داى و خوه‌گرێله‌كرى هه‌تا گه‌هشتى یه سه‌ر رێكا گوندى. دسه‌رێخوه ده هزارو ئێك ته‌ڤن راچاندن رۆژێقازدێن خوه لپێشیا خوه رێكرن. ژنشكاڤه ده‌نگێدیكلا هات و صه ره‌وین.سه‌رێخوه راكر جاڤێن وى ب شوورها باره‌گایێدوژمنى كه‌تن ،ترسا وى زور تربوو.چ هیڤى ددلى ده نه‌مان ژبلى دوورخستنا هێسترێنه‌كو چاڤێن له‌شكه‌رى ڤێبكه‌ڤن دێبته نێچیره‌كا مه‌زن بو وان.بده‌نگه‌كى كزو مه‌لوول دوسێجاران ل هێسترێحورجمى ووشه..ووشه هه‌ى گورگا تو خواریێ.ڤیا داچه‌مت به‌ره‌كێد هیسترێوه‌ركت.لێترسیا نه‌كو ئالیسه‌نگیا خوه ژ ده‌ست بدت و مین پێوى ب میكابڤه بلندى به‌ر ئه‌سمانا بكت.تشتێژێهاتى تزبیێن خوه د هێسترێوه‌ركرن و ب ده‌نگه‌كى كزگریوك و مه‌لوولتر گۆت ووشه ..دێهه‌ره هه‌ى بێده‌وله‌ت ،تو دێمن ژناڤبى ،هه‌ر دگه‌لى دا ووشه..وووشه.هه‌كه ئه‌ز بتنێبم چ شكا نابن به‌لكو بێژن شڤانێگوندیه.
رۆژ هێدى هێدى دمه‌شیا وه‌كه بووكه‌كا شه‌رمین دبن عه‌ورا خوه ڤه‌شارت بوو جارنا روویێخوه یێسۆر دیاردكرن و جاره‌كادى خێلیا خوه ب سه‌رێخوه دادا.هه‌تا گه‌هشتى یه سه‌متا سه‌رێوى وه‌كى دار تێله‌كێد جهێخوه‌ده چكلیبوو ،میزلدانكا وى ته‌ژى ببوو نه‌وێرا بمیزت نه‌كو كێشا وى سڤك بت و مین كارێخوه بكت. له‌شێوى خاڤببوو خه‌وه‌كێهێرشى كه‌لواشێوى دكر، ستویێوى خلێل دبوو و د ڤه‌جنقى دبن لێڤانڤه گۆت هه‌ى هه‌وار ئه‌ز چبكم.جاره‌كادى سه‌رێخوه شوور كر و لپێخوه نێرى .وه‌كى دیله‌كى د ده‌ستێدوژمنێخوه داكه‌ته پارپارێو دگه‌ل مینێپه‌یڤى.
تو نابێژیه من بوهایێته چه‌نده ،ئه‌ز باوه‌رناكم ژ شه‌ش حه‌فت دیناران پتربت.ما چ تشتێن دى نه بوو ئه‌وێتو چێكرى چێكربان جاى ته ، هه‌ى مالاوێرانبت وه‌كى مالێن گه‌له‌ك به‌لنگازێن وه‌كى من وێرانكرى. دێبلا جاى ته یاریكێن زارۆكان چێكربا سوزبا من تو بو كورێخوه كرى باى،هیڤیدارم تو كه‌ڤنه‌كا ژه‌نگارى بى و نه‌ته‌قى.دگه‌ل ڤان هزرا ئه‌ورا خوه تێكبر و كوخین ،سه‌رێخوه بلندكر و چاڤێن خوه ل هه‌سویا خودێگێران .ئه‌ى خودا تولكیڤه‌ى تو من دبینى و پێئاگه‌هى ژ حه‌فت سالیێوه‌ره ئێك نڤێژا من نه‌چوویه ،ئه‌ڤه سیه سالن هه‌موو ره‌مه‌زانا ختمدكم. بو خاترا دوازده زاروكێن دمالدا برسى ڤێجارێژى ده‌رفه‌تێبده‌من ، ئه‌ى خودا تو دزانى ئه‌ز نه‌هاتیمه چ كارێن خراب بكم، تنێهاتیمه ته‌ژى تێره‌كا مه‌سوسانى گه‌نمى بو خێزانا خوه په‌یداكم ،هه‌وارا من تووى دهه‌وارا من وه‌ره یان تو ژى وه‌كى ئاغاى چ ناهێته پێش چاڤێن ته.ژنشكاڤه بروسیه‌كێئاسمان دوشه‌قكر و به‌له‌دیێن وێئه‌رد روونكر، بیێهاژ خوه هه‌بت دگه‌ل شریقێنا بروسیا دووێرومه‌كێخوه بلندكر و ده‌ڤو ده‌ڤب ئه‌ردى كه‌ت .پشتى هشێن وى هاتینه سه‌رى و ب سه‌رخوه ڤه هاتى ته‌ماشه‌ى جهێپێخوه كر، دیت یا پێل ته‌رته‌كا چێلا كرى.
ته‌رت- دبێژنه ریخا چێلا ده‌مێهشك دبت
- 2072 خوێندنەوە
