ژبۆ جارا یه‌كێ شانده‌كه هونه‌رى و فلكلۆرى یا كوردى به‌شدارى د فه‌ستیڤالا دامه‌زارندنا ئیماراتێ ده كر
ل سه‌ر بانگا وه‌زاره‌تا چاند و لاوان یا ئیماراتا عه‌ره‌بى، شانده‌كه هونه‌رى و فلكلۆرى یا كوردى ژبۆ جارا یه‌كێ به‌شدارى د فه‌ستیڤالا سالڤه‌گه‌را دامه‌زارندنا 41 سالیا ده‌وله‌تا ئیماراتێ و رۆژا نه‌ته‌وه‌یى یا ئیماراتێ كر.
د ڤى وارى ده شیلان خانه‌قا نوونه‌را بازرگانى یا هه‌رێما كوردستانێ ل ئیماراتێ راگه‌هاند ژبۆ جارا یه‌كێ یه هه‌رێما كوردستانێ به‌شداریێ د ڤێ فه‌ستیڤالێ ده دكه و هه‌رێما كوردستانێ ژى یه‌كه‌م هه‌رێمه تێده به‌شدار دبه، خویاژى كر كو شاندا هونه‌رى و فلكلۆرى یا هه‌رێما كوردستانێ رۆژا یه‌كێ سه‌ره‌دانا ئیماراتا شاریقه كر و نمایشه‌كه هونه‌رى فلكلۆرى یا كوردى پێشكێش كر، رۆژا دوویێ ژى سه‌ره‌دانا فوجێر كر و نمایشێن خوه یێن كوردى ل وێ ده‌رێ پێشكێشكرن، دازانین ژى كو بریار ئه‌وه شاندا هونه‌رى فلكلۆرى یا كوردى ل هه‌ر هه‌فت ئیماراتێن عه‌ره‌بى نمایشێن خوه پێكبینن.
KTV ...
- 2225 خوێندنەوە
