Share |

کۆنفرانسا رەوشەبیرێن رۆژاڤا ل ئامەدێ ل داردکەڤە

ل رۆژا 1حزێرانێ دە رەوشەنبیرێن رۆژاڤایێ کوردستانێ کو ل تورکیێ و باکورێ کوردستانێ نەشتەچیھن، وێ ل ئامەدێ د کۆنفرانسا شێخ مەعشووقێ خەزنەوی دە بێن با ھەڤ.

وەکوو ھاتبوو خویاکرن کو ئەڤ چەند مەھ ب ریا ئەنتەرنێتێ بانگ ل تەڤایی رەوشەنبیرێن رۆژاڤا ھاتبوو کرن کو بەشداریێ د ڤێ کۆنفرانسێ دە بکن، و  ئامادەکاریێن ڤێ کۆنفەرانسێ ژ ئالیێ کۆمیتەیا ئامادەکار دھاتن کرن، و د ئەنجامێ دە رەوشەنبیرێن کو خوە گھاندن ڤێ کۆمیتەیێ ھاتن ڤەخوەندن و دێ تەڤلی ڤێ کۆنفەرانسێ ببن.

ل سەر ئامادەکاریێن داوی ھەلبەستڤان شەپال ھەیڤۆ داخویاند کو، ئامادەکاریێن مە  باشن مە ھەول دا کو ئەم ھەمی رەوشەنبیرێن ژ رۆژاڤایێ کوردستانێ کو ل باکورێ کوردستانا دمینن ڤەخوەندی ڤێ کۆنفرانێ بکن، بێ کو ئەم تو کەسی ژێ دوور بخن و ب ئاوایەکی سەربخوە و بێ ئالی ئەم دخوازن ھەر کەس بەشدار ببە، ژ بەر کو مەرەما مە ئەوە کو ئەم ھەر کەسی د بن سیوانا ڤێ ھەڤگرتنێ بجڤینن.

بەردەوام کر و گۆت کو ئەم دخوازن ب بریارن باش ژ ڤێ کۆنفرانسێ دەرکەڤن، وەک دەرخستنا کۆڤارەکێ و چاپکرنا پرتووکان، ڤەکرنا پێشەنگەھان و.. ھود، کو رەوشەنبیرێن مە بپەژرینن و ل گۆرا پرەنسیبێن (HRRK)

د ڤێ دەربارێ دە ژی ھەلبەستڤان رزۆیێ خەرزی ژی دەست نشان کر کو ژ بەر رەوشا سووریێ و رۆژاڤایێ کوردستانێ و بەلاڤبوون و کۆچبارکرنا مرۆڤان و دەرکەتنا وان دەرڤە و وەلاتێن دەردۆرا سووریێ، و ژ بۆ کو ئەڤ کەسێن ل دەرڤەیی رۆژاڤا ب رۆلەکێ بلیزن و خوە ب رێخستن بکن کۆنفرانسێن وەھا پێوستن.

د بەردەوامیا ئاخافتنا خوە دە دەستنیشان کر کو بەریا نھا کۆنفرانسەک ژ رەوشەنبیرێن رۆژاڤایێ کوردستانێیێن ل ئەورۆپایێ دژین ژی ھاتبوو لدارخستن و یەک ژ بریارێن وێ بوو کو کۆنفەرانسەک ل ئامەدێ و پاشێ ل باشوورێ کوردستانێ ژی پێک وەرە، و ھەری داوی وێ کۆنگرەیا چارانا ھەڤگرتنا رەوشەنبیرێن رۆژاڤایێ کوردستانێ (HRRK)ل قامشلۆ وەرە لدارخستن، و نوونەرێن ژ ڤان ھەرسی کۆنفرانسا د گەل رەوشەنبیرێن دەڤەرێ وێ ل قامشلۆ ل ھەڤ بجڤن.

ھێژایی گۆتنێیە کو ل گۆرا ھات دیار کرن کو نێزیکی 60رەوشەنبیرێن ژ رۆژاڤایێ کوردستانێیێن ل ترکیە و باکورێ کوردستانێ دژین وێ تەڤلی کۆنفەرانسێ ببن، ھەر وھا وێ ژ ئەورۆپایێ ژی شاندەک ژ دەستەیا رێڤەبەرا ھەڤگرتنا رەوشەنبیرێن رۆژاڤایێ کوردستانێ دێ تەڤلی ڤێ کۆنفەرانسێ ببە و دبە کو ژ رۆژاڤا ژی بەشدارڤان ھەبن.

 

ئامەد-  ھۆزان ئەمین