Share |

ھەلبەستڤان و پێشمەرگە (رەمەزان عيسي) وەغەر کر

 

ب خەم وکوڤان ڤە ئيرو 15/7/2014 نوجەيا وەغەرکرنا ئەندامێ ئێکەتيا مە ، ھەلبەستڤانێ پێشمەرگە –رەمەزان عيسا – ژ سويد گەھشتە مە . بناڤێ ئێکەتيا نڤيسەرێن کورد – لقي دھۆک ، ئەم سەرەخوەشيێ ل خوە و مالبات وکەس وکارێن خودێ ژێ رازي و تەڤايا نڤيسەرێن کورد دکەين.

ھەلبەستڤان رەمەزان عيسا ژ سالێن حەفتێيان دەست ب نڤيسينا ھەلبەستێ کربوو ورولەکێ باش د خزمەتا ئەدەب وزمانێ کوردي دا ھەبوو. رەحمەتي وەک پێشمەرگە گەھشبوو رێزێن شورەشێ . پشتي سەرھلدانا 1991 ڤەگەريا دھۆکێ.

ھەلبەستڤان رەمەزان عيسا ژدايک بوويێ سالا 1953.

دەرچوويێ پەيمانگەھا بەرھەڤکرنا ماموستايان بوو ل سالا 1974

وەک ماموستا و ريڤەبەرێ قوتابخانێ کارێ خوە کريە.

دوارێ راگەھاندنێ دا کارکريە ( گوڤارا مەتين – گوڤارا دجلە)

ريڤەبەرێ رێڤەبەريا رەوشەنبيري وھونەري ل دھۆکێ بوو ژ 1996-2004.

جێگرێ سەروکێ ئێکەتيا نڤيسەرێن کورد بوو.

ژ بەرھەمێن وي يێن چاپکري:

* داستانا عشقا نەمر 1989

* کەلينا ھەستان 1990

*ژ فەلسەفا بەرخوەدانێ 2005 ژ وەشانێن ئێکەتيا نڤيسەرێن کورد- دھۆک

ھيڤيدارين ژخودێ ب بەھەشتا خوە يا بەرين شاد بکەت وسەبر وھەدارێ بدەت مالباتا وي . انَا للە وانَا اليە راجعون.

 

ئێکەتيا نڤيسەرێن کورد – دھۆک

2014-07-15

duhokwriters.com

--------------------------------------