ھەڤدیتنا ھونەری یا کوردستانێ ل ئامەدێ دەست پێ کر

د ڤان رۆژان دە لڤ و تەڤگەرەک بەرفرەھ ل ئامەدێ ھەیە و ئامادەکاری گھشتنە ئەستا خوەیا داوی پشتی کو گەلەک ھونەرمەندێن شێوەکارێ ناڤدار گھشتن ئامەدێ و دەست ب سمپۆسیوم کرنە بۆ ھازرکارنا تابلۆیێن خوەیێن کو وێ د پێشەنگەھا “ھەڤدیتنا ھونەرییا کوردستانێیا ناڤنەتەوەیی” کو وێ د ناڤبەرا 7سباتێ و 7ئادارێ دە بێ لدارخستن.

ئەڤ چالاکیا ھەری مەزن ل سەر ئەستێ ھونەرا شێوەکاری و پێکەرسازی ل کوردستانێ و د بن رێڤەبەریا شارەداریا باژارێ مەزنا ئامەدێ و ب ئالیکاریا ،شارەداریا پەیاسێ، شارەداریا سوورێ، شارەداریا یانی شەھر، شارەداریا باğلەرێ.

ئەڤ چالاکیا ھونەرییا “کوردستان”ێ د بن درووشما، “رۆژاڤا بەرگەھا ئازادی و وەکھەڤیێیە” ل دار دکەڤە ب مەبەستا پشتگریا بۆ رۆژاڤایێ کوردستانێ کو وێ داھاتۆیێ فرۆتنا تابلۆیێن بەشدار ژ ئاوارەیێن شنگال و کۆبانیێ رە بێن رەوانەکرن.

ب ھەلکەفتا ڤەکرنا سمپۆسیوم و ب بەشداریا 33ھونەرمەند و شێوەکارێن کورد ژ ھەر چار پارچەیێن کوردستانێ کو ژ ئەورووپا و ئاسیا و ئەمریکا و ب بەشداریا ھەڤسەرۆکا باژارێ مەزنا ئامەدێ گولتان کشاناک، و چەندین کەسێن بەرپرس و رێڤەبەرێن پێوەندیدار.

ھەڤسەرۆک گولتان کشاناک ئاخافتنەک پێشکێش کر و گۆت “ھوون ھەموو ب خێر ھاتنە ئامەدێ، ڤی باژارێ قەدیم، پرچاندی، پرزمانی. ئەم ب دیتنا وەیا ل ڤێ دەرێ گەلەکی کێفخوەشن.” و بەردەوام کر و ل سەر گرنگیا ڤێ چالاکیێ و واتەیا ل دارخستنا وێ ل باژارێ ئامەدێ ئاخڤی.

ھەر وەھا یەک ژ ئەندامێن کۆمیتا ئامادەکار شێوەکار مونیر شێخێ بەحسا ئامادەکرنا ڤێ چالاکیا گرانبوھا کر کو ئەڤ ماوەیەک درێژ کار ژێرە دکن، و بال کشاند سەر گرینگیا ڤێ چالاکیا کو ھەموو پارچەیێن کوردستانێ بەشداریێ تێدە دکن.

و برێڤەبرێ گالەریا ھونەرێیا ئامەدێیا شارەداریا مەزن بارش سەییتڤان ئەشکەرە کر کو پێشانگەھ 7 سباتێ تێ ڤەکرن و 230 ھونەرمەند دێ بەرھەمێن خوە تێ دە پێشان بدن. 

و د داویێ دە ھونەرمەندێ ناڤدارێ کورد عینایەت عطار ل سەر ناڤێ ھونەرمەندێن بەشدار ئاخافتنەک کورت کر و سپاسیا ئامادەکاران کر.

ھونەرمەندێن بەشدار:

احمد حسن الزايم، علي عاسکەر بال، عزيز تلک، باھار دەمرتاش، باھرام حاجو، بارıش سەیتڤان، دلشاد قوەستان، ئەدۆ ئالحسن، ئەرگن کایا، ئێڤار حسین، ھاما ھاشم، حنيف ھامۆو، حسن عبدالله، عنايت عطار، لقمانر حسین، مەتين چەلک، موراد عبدالله، مونیرشێخێ، نەورۆز عزيزاوغلو، نورسون ھıزلان، ئۆمران یۆونس، رانا کاکارل، رانا ئال ئابباس، رێبوڤار ساد، رەمز سەڤەر، رەشيد حسۆ، رضوان کودای، صالح نەمر، سامر دراە، ستار علي، شەنگول ئاجل، زهير حسيب و وليد الاغا.

تەیبەت ئەڤرۆ/ ھۆزان ئەمین / ئامەد