Share |

“نە با من سوار دکە نە ئاخ من پەیا دکە” ھەموو بەرھەمێن شعرییێن موەیەد تەیب ده ركه تن

ھەموو بەرھەمێن شعرییێن موەیەد تەیب، ب ناڤى “نە با من سوار دکە / نە ئاخ من پەیا دکە” د ناڤ وەشانێن ئاڤەستا دە چاپ بوون. بەرھەم تەڤ دە ژ ئالفابەیا عەرەبی بؤ لاتینی ژ ئاليى نفيسكار سەلیم تەمۆ فه هاتنه تيبكوهه زين.

 موەیەد تەیب ل دھۆکێ د سالا 1957 دە ژداییک بوويه. ژ دبستانا سەرەتایی ھەیا لیسەیێ ل دھۆکێ خوەند. د سالا 1978 دە ل زانکۆیا بەغدایێ  فاکولتەیا حقووقێ خونديه. د رادیۆیا کوردی و ھەفتەنامەیا ھاوکاری دە خەبتی، لێ د سالا 1979 دە، ھەلبەستێن وی ھاتنە قەدەخەکرن، ته في قه ده خه كرنى زي ھەلبەستێن وی د ناڤ گەل دە هاتنه بلاف كرن، ئەو ژ بەر کرن و ھن ژی بوونە ستران.

د سالا 1982 دە، ژ بەر گەفێن رەژیمێ دەڤ ده ست ز خوەندنا خوە بەردا و بەشدارێ شۆرەشێ بوو و ل چیایێن کوردستانێ بوو پێشمەرگە. ل ور ژی ھەلبەست نڤیسين و ب ریا رادیۆیا شۆرەشێ ئەو بەلاڤ دکرن. د پەی رە سالا (1983) وەکە پەنابەر ل سوێدێ ب جی بوو.

ل ور ژی کارێ وێژەیێ دۆماند و د کۆڤارا بەربانگێ دە خەبتی و دەمەک شوون دە بوو سەرنڤیسەرێ کۆڤارێ. د سالا 1996 دە ڤەگەریا کوردستانێ و بوو یەک ژ دامەزرێنەرێ کوردستان تي ڤي. د سالا 2002 دە وەشانخانەیا سپیرێز ئاڤا کر. ئەڤ وەشانخانە کو وەکە کەلھا کورمانجیێ ل باشوور، ھەیا نھا ژ چار سەدی زێدەتر پرتووک وەشاندنە. د سالا 2007 دە بوو ئەندامێ ئاکادەمیا کوردی ل ھەولێرێ. د ھلبژارتنا 2010 دە وەکە پارلامەنتەر ھاتە ھلبژارتن کو نھا ل پارلامەنتۆیا عراقێ، بەردەڤکێ ھەڤپەیمانیا کوردستانێیە.

 

موەیەد تەیب، ناڤەکی خویانەیە و یەک ژ پێشەنگێن ھەلبەستا کورمانجییا باشوور تێ ھەژمارتن. د ناڤ نفشا کو د سالێن 70یی دە کورمانجیا بەھدینی دەولەمەند کرنە دە، دەمەکە درێژ د وارێ وێژەیا زارۆکان دە ژی خەبات کریە و مەھنامەیا زارۆکانا ب ناڤێ کەپر وەشاندیە. چەند پرتووکێن بۆ زارۆکان ژ عەرەبی و سوێدی وەرگەراندیە سەر کوردی. ھەلبەستێن وی د پرتووکێن دبستانان دە ژی تێنە بەلاڤکرن. ھەلبەستێن وی بۆ زمانێن وەکە عەرەبی، فارسی، فرنسی، ئنگلیزی، سوێدی و ترکی ھاتنە وەرگەراندن. چەندین وەکۆلینێن ئاکادەمیک ژی ل سەر ھەلبەستێن وی ھاتنە ئامادە کرن.

 

نە با من سوار دکەت

نە ئاخ من پەیا دکەت

 

ئەز تاکەبەلگێ زەر و پێتی مە

ڤێ پاییزا دەرەنگ

ب گولپێن ڤێ دارێ ڤە مایم

نە با

من سوار دکەت

نە ئاخ

من پەیا دکەت

رۆژێن کورت و تاری

شەڤێن رەش و بێداوی

وەک کۆرەمارەکی

د گەردەنا من ئالیایی نە و

ئەز مرم بۆ

فرەکا بای و

چەنگەکێ ھەتاڤێ