Share |

وەڵامی بۆچوون بدەوە

مسته‌فا خالد

 

ل ده‌سپێكي پرسيارا هه‌ره‌ فه‌ر ئه‌و بزانين مه‌رما هونه‌رمه‌ند مسته‌فا خالد ژ ڤێ سه‌ره‌دانێ چ بوو ناڤبري گۆت: پتر ژ بۆ هندێ بوو چه‌نده‌كێ ژ ره‌وشا كوردستانێ و هونه‌ري بزانم و پشتي ڤه‌قه‌تيانه‌كا درێژ نێزيكي ميديا كوردي ببم و دبيت ل نێزيك كۆنسێرته‌كێ ل كوردستانێ ساخ بكه‌م.

فه‌ره‌ بزانين ده‌ستپيكا ڤي هونه‌رمه‌ندي كه‌نگي بوو و د چ دۆدخ دا شيا سه‌ر هلده‌ت و سترانا كوردي ل كوردستانا رۆژهه‌لات ساخ بكه‌ت گۆت: ل سالا 1985 مه‌ ب شێوێ كۆم ستران دگۆتن خاسمه‌ ل بيره‌وه‌رييا و نه‌ورۆزان دياردبوون پاش ل سالا 1993 ڤه‌قه‌تيان و من ب شێوه‌كێ جۆدا ب خوه‌ ستران تۆماركرن من شه‌ش به‌رهه‌م هه‌نه‌ و تا نها ل وارێ سترانگۆتنێ دا به‌رده‌وامم.

ديسان ل دۆر پرسه‌كێ كانێ مسته‌فا خالد حه‌ز ژ كيژ ره‌نگێ سترانێ دكه‌ت و كانێ شيايه‌ هه‌ڤسه‌نگييه‌كێ بێخيته‌ دناڤبه‌را مۆدێرن و كلاسيكێ دا، ناڤبري ب ڤي شێوه‌ي دا دياركرن: گوهـ دده‌مه‌ گه‌له‌ك ره‌نگێن سترانان و گه‌له‌ك ژ وان دبێژم نه‌خاسمه‌ سترانێن هونه‌رمه‌ندێن كه‌ڤن مينا يێن هونه‌رمه‌ند محه‌مه‌د عارف جزيري، حه‌سه‌ن جزيري، ئه‌ياز يووسف و گه‌له‌كێن دي، لێ ئه‌ز سترانا مۆدێرن ژي دبێژم داكو بكارم جه‌ماوه‌رێ هه‌ردو ره‌نگێن سترانان رازي بكه‌م و هه‌ڤسه‌نگييه‌كێ بێخمه‌ دناڤبه‌را وان دا.

فه‌ره‌ بزانين كانێ ‌وێ دويۆتۆ يادناڤبه‌را ته‌ و زۆيايێ دا چه‌ند مفا ل سه‌ربۆڕا ته‌ كر؟ هونه‌رمه‌ندێ ده‌نگ خوه‌ش گۆت: ب راستي ئێك ژ كارێن ئێكجار باش بوو و خه‌لكه‌كێ زێده‌ حه‌زژێكر و گه‌له‌ك كه‌نالان په‌خش دكر نه‌خاسمه‌ ڤين تيڤي، ل كوردستانا رۆژهه‌لات ژي كه‌ته‌ زارێ خه‌لكه‌كي ب ديتنا من ئێك ژ ويستگه‌هێن گرنگ بوو د ژيانا من ياهونه‌ري دا و مفايه‌كێ مه‌زن ل من كر.

بزانين بۆچوونا ته‌ چييه‌ ل دۆر ده‌نگێ هونه‌رمه‌ندا ده‌نگ خوه‌ش زويايێ، هونه‌رمه‌ندي گۆت: خوه‌دي ده‌نگه‌كێ خوه‌شه‌، گه‌له‌ك حه‌ز ژ ده‌نگێ وێ دكه‌م.

ژ تشتێ هه‌ره‌ گرنگ ئه‌وه‌ بزانين ته‌ چو پڕۆژه‌يێن هونه‌ري يێن نوو هه‌نه‌ ناڤبري ئه‌ڤ داخۆيانه‌ دا: نها به‌رهه‌ڤييا ئه‌لبۆمه‌كێ دكه‌م، دبيت ژنه‌هـ هه‌تا هه‌شت سترانان پێك بهێت، ئێك ژ وان سترانان دويۆتۆ بيت دگه‌ل كچه‌كێ، لێ ديار ناكه‌م كييه‌، دێ هێلم ببيته‌ سپرايز بۆ خه‌لكي و جه‌ماوه‌رێ سترانا كوردي دبێم دێ كاره‌كێ جوان بيت و دێ هه‌مي بزاڤان كه‌م سترانا دويۆتۆ كليپ بكه‌م.

سه‌باره‌ت ئاستێ هونه‌رێ كوردستانا باشوور گه‌هشتييێ خالدي گۆت: تا نها هونه‌رمه‌ندێن باشوور رۆله‌كێ جوان دگێڕن ‌خاسمه‌ پشتي كوردستانا باشوور ئازاد بووي، پتر چاڤدێرييا هونه‌ري نها دهێته‌ كرن و ميديا يێن كوردي شيان خوه‌ ل خه‌لكي بكه‌نه‌ خودان و هه‌ڤبه‌ستان دگه‌ل هونه‌رمه‌ندي ب گرێده‌ن پێچه‌وانه‌ي هونه‌رمه‌ندێ كوردستانا رۆژهه‌لات كو پتر د ره‌وشه‌كا دژوار دا ژيان و تانها د وێ ره‌وشێ دا دژين و چ هاريكاري‌ بۆ هونه‌رمه‌ندي نينه‌ پێچه‌وانه‌ي ڤێ چه‌ندێ پتر دوژمناتي دگه‌ل وي هونه‌رمه‌ندي دهاته‌ كرن، يێ كو سترانا كوردي دگۆت ئه‌ز ژي ب رێكا رۆژنامه‌يا وار يا به‌رێز ژ جهێن به‌رپرس دخازم چاڤدێرييه‌ك بۆ هونه‌رمه‌ندێن مه‌ ژي هه‌بيت ژبه‌ركو گه‌له‌ك به‌هره‌ مه‌ ل وێرێ ژي هه‌نه،‌ لێ بێ هاريكاري نكارن داهێنانێن خوه‌ نمايش بكه‌ن.

ل دۆر هونه‌رمه‌ندێن مۆدێرن يێن پێ داخبار دبێژيت: گه‌له‌ك حه‌ز ژ ده‌نگێ بلند ئيبراهيم و هه‌ڤال ئيبراهيم دكه‌م گه‌له‌ك كه‌يفا من ب كارێن وان دهێت.

 

ديدار :ئه‌حمه‌د جاسم - وار

وه‌ڵام بدەوە

The content of this field is kept private and will not be shown publicly.
  • Web page addresses and e-mail addresses turn into links automatically.
  • Allowed HTML tags: <a> <em> <strong> <cite> <code> <ul> <ol> <li> <dl> <dt> <dd>
  • Lines and paragraphs break automatically.

More information about formatting options