وەڵامی بۆچوون بدەوە
سترانبێژا به‌رنياسا رۆژئاڤايێ كوردستانێ (زۆيا) كو ئه‌ڤه ده‌مه‌كه ب ئێكجاري ل گه‌ل هه‌ڤژينێ خوه يێ موزيكژه‌ن (له‌زگين) ي هاتيه هه‌رێما كوردستانێ و ل هه‌ولێرێ بنه جه بوويه،دياركر كو ئه‌و رۆدانێن ل ڤێ دووماهيێ
ل سوريا ب تايبه‌ت ژي ل رۆژئاڤايێ كوردستانێ په‌يدابووين ژلايێ ده‌رووني ڤه كارتێكرن ل سه‌ر به‌رهه‌مێن وێ كريه و گۆت ژي: ئه‌ڤه ده‌مه‌ك بوو مه به‌رهه‌ڤيێن ئه‌لبۆما (2013) دكرن لێ ڤان رۆدانان هنده‌كێ ئه‌م پاشئێخستين و دئه‌نجامدا دێ كارێ مه هێته گيرۆكرن. هه‌روه‌سا گۆت: پشي ئه‌ز ب ئێكجاري وه‌كو مال ل هه‌ولێرێ ئاكنجيبوويم ئێدي پتر ده‌ليڤه بو من هاته پێش كو به‌رده‌واميێ ب كارێ خوه بده‌م چنكو هه‌ولێر نه به‌س پايته‌ختێ كوردستانێ بتنێ يه،به‌لكو ئه‌ز دشێم بێژم پايته‌ختێ هونه‌ري ژي يه و ب ده‌هان هونه‌رمه‌ندێن ناڤدار ژڤي باژێرێ رابووينه.
هه‌روه‌سا گۆت:پشتي من كليپه‌ك ب شێوێ دوقۆلي ل گه‌ل هونه‌رمه‌ند (مسته‌فا خالد) ئه‌وا ب ناڤێ (وه‌ره لو) تۆماركري و بوويه ئه‌گه‌رێ پتر نياسبوونا من دناڤ جه‌ماوه‌ري دا،نهۆ ئه‌ز يا هزرێ ل سترانه‌كا دي يا بڤي شێوه‌ي دكه‌م لێ ل گه‌ل كێ و كه‌نگي؟
جارێ ئه‌ز نوزانم لێ من دڤێت سترانه‌كا ژوێ ب هێز تربيت دا سه‌نگا من دناڤ حه‌زژێكه‌رێن ده‌نگێ مندا بلندتر لێ بهێت.
ئه‌ڤرۆ:
- بۆچوونێکی نوێ بنووسه
- 2487 خوێندنەوە
