Gurzek helebest ji pênûsa helbestvan … Selah Mihemed

Min got

Min got û min got

Ta ku

Gotin û peyvê min

Di bin lingê tirs û şermezariyê de

Ji keçikanî ketin

Min deyaxa dil

Li ser rûpelên jînê bê nerx firot

Ta ku mûm û ronakên min

Di civatên şanogeriyê de

Bi navdarî vêketin

Min ferhenga baweriyan

Bi pêtên xweziyên dil sot

Piştî ku gotinên êvara

Ji kerxaneyên qulên dîwara

Rûşuştî derketin …

Bihara bi kîmkîm

Di mêrga min de

Niviya û çilmisî

Lê bêrîkirin û bîranînên min

Li dor perengên rastiyê

Mane şiyar û raneketin

Piştî ku

Kaniyên pênûsê çikiyan

Gurên har

Li ser riya kerwanên peyvên tal

Bi neyarî veketin ..

Min got û xwezî min bêtir bigota .

20 – 2 – 2004

Ev helbest di kovara jîn de hejmar 95 – 96 sal 2004 li şamê hatiye weşandin.

***********

Dunya derewîn

Erê dunyayê bê olê

Ji hevdû em raqetandin

Weka pezekî bê xwedî

Lê te em berdane çolê

Çiqas xweşbû dema berê

Bi zehmetî ku vegerê

Evqas dost û hevalên me

Çavên me li wan digerê

Heyî dunyayê heyî dunyayê

Ticar b`kêrî Kurda nayê

Her û her li wan xayinî

Tu xerabî bikêr nayê

Tevî dunya l`me xerabe

Kabê mejî mîr ranabe

Her tavêjin pik dikeve

Şaşitî ew ne ji kabe.

6 – 2 – 2017

Ev helbest bo hunermendê nemir Selah Osê hatibû şandin.

****

Gundê min

Xirbê şêx çi şêrîne

Tenişt gundê Girzîne

Herdû pismamê hevin

Eslê xwe degşûrîne

Çiqas gundê min xweşe

Şahî ji gund na meşe

Tevde ji hev hizdikin

Xewa li gund çi xweşe

Gelê gund tev jêhatî

Qîzên wan li hev hatî

Çi gundekî navdare

Dibêjin wan qerqatî

Dora gund tev kanîne

Her çax û dem heşîne

Xort û kal û pîrê me

Tev jîr û efendîne

****

Helbestek ji dil

Rawestiyam li tenişta dilberê

Bihêvî bûm serî rakê binerê

Ez westiyam ey zalimê ser piya

Her ji hestê min tu bike bawerê

Du sê peyvê hingivînî tu bêje

Hew vî cerg û dilê min bi kelêje

Min sayîlî belengazî binêre

Evî canî ne soje ne birêje

Ez rastgele rawestiyam li ba wê

Min nizanî têkevime tora wê

Nema karim xwe rizgarkim heware

Ne dûrkevim ji hevkêşa dilê wê

Xwedî xêrek nîne ku min şîretkê

Dermanekî ji derdan re peydakê

Min pepûkî min totakê belengaz

Ku ji pencê wê zalimî rizgarkê.

****

Ji rûpela helbestvan li ser facebook