Biryara min…Narîn Omer
Ez nema terîşan
bi dara xwezeyan ve
dialînim
Nema ez kirasê mirada
li bejna xwe dikim
Ez li dora guristana
nema dizîvirim û
li ber serê weliyan rondikan
nema dibarînim
Nema ez pêxwas diçim
"Amûjgeha omêdan"
Tenê, ezê tirhikan
bi dara vên û xebatê ve
xurtir bikim û
kulîlkên erezoyê
di paxila razanê de
hişyar bikim û
ji kaniya evîniyê
ezê çend bêjeyan
hilbijêrim û ezê bibêjim:
-Bijî ji girtiyên xebat û welatparêziyê re
-Bijî ji girtiyên Azadî û Aştiyê re
-Herdem dijî cangoriyê xaka me
-Cawîdan e pakrewanê hebûna me
-Azad e xebatkarê civaka me
-Hevraz e melevanê parastina mayîna me
ji ber kû ew bi nîzîkbûniya xwe û
dûrbûniya xwe di dilê me de dijî û
berdewam dike.
- 2511 reads
