Gotûbêjek li ser pirtûka (Belongings) li wêjegeha Amedê

Di dewama çalakiyên werzê xwe yê payizê de Wêjegeha Amedê êvara 30ê Îlonê li Ro Cafeyê, li bajarê Amedê, bi moderatorîya Lal Laleş û Seçkin Arslan digel Zeynep Yaş, Hatice Kamer û Dilawer Zeraq  gotûbêjek bi navê “Welatekî Pir Dûr” li darxist.

Di vê çalakiya ku Wêjegeha Amed ji 3 nivîskara re li darxist û têde behsa Antolojîya Belongingsê hat kirin ku di vê antolojîyê de, nivîsên pênc nivîskarên Kurd û pênc  nivîskarên Samî cîh digirin. Antolojî bi sê zimanan hatîye belav kirin : Kurdî, Samîkî û Îngilîzî.

Piştî ku hersî nivîskaran beşek ji nivîsa xwe xwendin li dawiyê gotûbêj bi beşdaran re hat kirin û pirtûk hate imzakirin.

- Belongings antolojîyek e ku di encama serlêdanên du alî yên 5 nivîskarên Sámi û 5 nivîskarên Kurd de hat afirandin, û ev serlêdan jî li çarçoveya hevkarîya du malên wêjeyê: Tjállegoahte- Författarcentrum a li Sápmiyê li bajarê Jåhkåmåhkke/Jokkmokk, Swêdê û Wêjegeh Amed a li Amed/Diyarbekir, Tirkiyê çê bûn. Ev berhem pêhesînên wêjeyî pêşkêşî xwînerên Sámikî, Kurdî û Îngilîzî dike li dor mijarên wekî welat, dîrok, çand û ziman; û her wisa rastî û sêwirînên du civakan bi rêya nivîsên afirîner ên li ser bingeha nîşeyên qadê dide kifşê.