![](https://www.semakurd.net/sites/default/files/imagecache/400xY/pirtuk-mirna.jpg)
Weşanxaneya Sîtavê berhemeke çîrokan ya nû ya bi navê ‘Mirina Xortekî Rind’ çap kir. Ev berhema yekê ya nivîskar Îkram Baban e.
Weşanxaneya Sîtavê wiha behsa pirtûk û nivîskarê pirtûkê yê ciwan dike: “Belê, dema mirov vê berhemê dixwîne û dibihîze xwedîyê vê berhemê ji berhema xwe biçûktir e, tenê bişirîneke henûn li ser rûyê mirov kon vedigire.
Ji bo afirandina berhemeke wiha, bi kêmanî tecrubeyeke bîst – sîh salan hewce ye, lê vî xortî berhemeke ji temenê xwe mezintir nivîsiye û xistîye xizmeta edebîyata kurdî. Nivîskar, bi kurdîyeke şîrîn li ser tevneke trawmatîk derûnîya xortekî jîr û zîrek dirêse. Pirê caran mêjî, ji ber hêza xwe ya efsûnî di serî de hilnayê; tehemul nake û dixwaze bi çargavî bibeze, xwe li asoyên bêsînor biqewimîne, lê şert û merc nahêlin.
Her kî vê berhemê bixwîne, ew ê bi xwe jî bi lehengê berhemê re bibe hevrê û di hin qonaxan re bi hev re bimeşin. Û ev berhem, herwiha trawmaya civakeke ketî û belengaz e jî.”
Çavkanî: xwebûn