Share |

Salyada Prof. Dr. Kinyaz Ibrahim li Qamişlo li darket

Yekîtiya Nivîskarên Kurdistana Sûriya duhî di roja yekşemî 7ê Tebaxê de, li bajarê Qamişlo "Hola Osman Sebrî" ya "Partiya Yekîtiya Kurdistan -Sûrya", bi rêzdarî simînarek bi boneya yekemîn salvegera koça dawiyê ya Prof. Dr. Kinyaz Ibrahim Mîrzoyêv, bi amadebûna hejmarek ji nivîskar û rojnamevanan û bi beşdariya malbata xwedêjêrazî bi rêya online lidar xist.

 

Di destpêkê de, birêz Ebdulsemed Mehmûd û xanim Şemis Enter bixêrhatina mêvanan kirin û paşî belgefilmek li ser jiyana xwedêjêrazî Prof. Kinyaz Ibrahim Mîrzoyêv peyva birêz Nayif Cibîro cêgirê serokê Yekîtiya Nivîskarên Kurdistana Sûriya hatin pêşkêşkirin, û bi rêya online peyva malbatê ji aliyê birêz Wezîr Kinyaz Mîrzoyêv "Qazaxistan", peyva birêz Şêx Remezan Seîdov Serokê Federasyona Navneteweyî ya Diyasporaya kurdên Sovyeta berê (FNDK) "Qerxîzistan, Dr. Barî Mehmûd "Elmaniya", birêz Memoyê Memo rêveberê Federasyona Komelên kurdên Diyasporaya Navneteweyî "Rûsya", birêz nivîskar û rojnamevan Hejar Şamil kurê Şamil Askerov yekem Serokomarê Kurdistana Sor, birêz nivîskar û rojnamevan Tahir Silêman sernivîserê Heftînameya Diplomat ya kurdên Azerbaijan, birêz nivîskar û rojnamevan Salih Kevirbirî "Bakurê Kurdistan" û birêz helbestvan xanim Gohar Memo ji kurdên Erminenstanê û nivîskar Ebdûlazîz Qasim ve hatin pêşkêşkirin.

 

Kurtiyek li ser jiyana xwedêjêrazî Prof.Dr. Knyaz Îbrahîm Mîrzoyêv

 

(01.05.1947- 08.08.2021)

 

- Di sala 1947an de li Ermenistanê jidayîk bûye.

 

- Di sala 1970î de, bi astekî bilind dektora fîlolojiyê ji zankoya Xaçatûr Abovyan ya Ermenîstan wergirtiye.

 

- Di salên heftêyî û heştêyî yên sedsala borî de, bûye serokê Fakulteya Ziman û Edebiyata Azerî li Zanîngeha Yêrêvanê.

 

- Di sala 1990î de li zanîngeha Almatayê serokatiya Beşa Fîlolojiya Rojhilatî kiriye.

 

- Serokê Beşa Zimanên Navneteweyî li Zanîngeha Almatayê.

 

- Endamê Lijneya Akademiyên  Qazaxistanê bû.

 

- Endamê lîse û enstîtuyên (Parîs, Berlîn, Bruksel û hwd.)

 

- Li (Almata, Moskova, Petersburg, Bakû, Yêrêvan, Tiflîs, Parîs, Berlîn, Amsterdam, Bruksel û Stenbolê)  beşdarî konferansên teyorîk, zanistî bûye.

 

- Serokê Komela Kurdên Qazaxistanê - Berbang -

 

- Serokê Federasyona navnetewî ya Komelên kurdên Sovyeta berê (FNDK).

 

- Sernivîskarê Kovara Nûbar - Mijarên Wêjeyî

 

- Di sala 2010 de serokê Komara Qazaxistanê ew bi madalyaya zêrîn xelat kir.

 

- Di sala 2013an de bûye cîgirê serokê Komara Qazaxistanê.

 

 - Gelek caran serdana Herêma Kurdistanê kiriye

 

- Bi dehan pertûkên hene, ji wan:

 

 - dîroka têkiliyên edebî yên azerî-kurdî

 

- Çavkaniyên dîrokî yên edebiyata kurdî

 

 - Ansîklopediya Kurdan.

 

 - Adetên netewî, girêdanên edebî û hwd

 

Mixabin di roja Yekşemî 08.08.2021ê de, li bajarê Almata yê Qazaxistanê di jiyê 74 saliya xwe de koça dawiyê kir û li goristana kurdan li Almata hat veşartin.

 

Komîteya çalakiyên Yekîtiya Nivîskarên Kurdistana Sûriya

 

Qamişlo 08.08.2022